Átta verkefni hljóta VERÐANDI styrk
Veittir hafa verið styrkir úr listsjóðnum VERÐANDI fyrir árið 2024-2025. Það voru 22 umsóknir sem bárust sjóðnum og átta verkefni sem hlutu brautargengi. Þetta kemur fram í tilkynnningu frá Menningarfélagi Akureyrar.
Styrkþegarnir bjóða gestum sínum uppá girnilegt konfekt fyrir öll skynfærin og molarnir fylltir fjölbreyttum fyllingum. Hér má nefna útgáfutónleika frumsamins efnis þar sem ýmsar tónlistarstefnur koma við sögu s.s. jaðarrokk, pönk og raftónlist. tónleikasýning fyrir alla fjölskylduna með lögum úr þekktum teiknimyndunum, óperuóður til Úkraínu, blæbrigði harmonikkutónlistar, þriggja hljómsveitakvöld þar sem þrjár kynslóðir mætast, stórtónleikar áhugasinfóníuhljómsveitar og norðlenskar klassískar söngperlur.
Megintilgangur Verðandi listsjóðs er að styrkja listafólk til að nýta Menningarhúsið Hof sem vettvang fyrir listsköpun sína. Listsjóðurinn á að auðvelda ungu listafólki og þeim sem starfa utan stofnana að nýta sér þá fyrirmyndaraðstöðu sem húsakynni Menningarfélags Akureyrar búa yfir, auk þess að stuðla að fjölbreytileika í listviðburðum og nýta þá möguleika sem þar eru fyrir fjölbreytta viðburði. Akureyrarbær, Menningarfélagið Hof og Menningarfélag Akureyrar standa á bak við Verðandi listsjóð.
„Það var afar ánægjulegt að fá svo margar fínar umsóknir, sjá metnað listafólksins og vilja til að nýta sér aðstöðuna í Menningarhúsinu Hofi fyrir þeirra flottu og krefjandi viðburði. Við starfsfólk Menningarfélagsins hlökkum til að taka á móti þeim í hús en fyrsti viðburðurinn verður núna 23. ágúst næstkomandi,“ segir Kristín Sóley Björnsdóttir viðburðastjóri Menningarfélags Akureyrar og verkefnastjóri VERÐANDI listsjóðs.
Styrkþegarnir átta munu standa fyrir fjölbreyttum viðburðum í Menningarhúsinu Hofi á tímabilinu 23. ágúst 2024 til júníloka 2025. Allir viðburðirnir verða sýnilegir á mak.is, þar má finna nánari upplýsingar og hægt að tryggja sér miða á viðburðina framundan.
Styrkþegar:
Anastasisa Andrukhiv. From Ukraine with Love
Arctic Opera : Tónar norðursins
Agnar Forberg: Kærleikur og kvíði – útgáfutónleikar
Egill Logi Jónasson: Klang og bang
Hrund Hlöðversdóttir: Harmonikan heiðruð
Jónína Björt Gunnarsdóttir: Teiknimyndalögin okkar
Davíð Máni Jóhanesson: Miomantis: TJÓN, útgáfutónleikar
Hljómsveit Akureyrar: Magnaði Mendelssohn
Nýjast
-
Miklar endurbætur á gömlu heimavist Þelamerkurskóla í gangi
Miklar framkvæmdir hafa verið í gangi í Hörgársveit undanfarin misseri sem miða að því að styrkja innviði sveitarfélags þar sem íbúafjölgun hefur verið mikil hin síðari ár. Gagngerar endurbætur standa yfir á gamla heimavistarhúsnæði Þelamerkurskóla og var nú við upphaf skólaárs tekið í notkun nýtt rými þar fyrir unglingadeild skólans. Áður eða í fyrrahaust var enn ein nýja byggingin tekin í notkun við Heilsuleikskólann Álfastein. Þar var horft til framtíðar, pláss er fyrir 90 börn en þau eru kringum 70 um þessar mundir. Stærstu vinnustaðir sveitarfélagsins eru í leik- og grunnskólanum, en þar eru starfsmenn nú samtals 51. Í Hörgársveit búa nú 866 íbúar og er að því stefnt að þeir verði 1001 í það minnsta um mitt ár 2026. -
Umhverfisvænni kostir fundust ekki fyrir nýjan ferlibíl
Leitað verður eftir nýjum ferlibíl fyrir Strætisvagna Akureyrar sem gengur fyrir dísel orkjugjafa og uppfyllir að lágmarki Euro 6 mengunarstaðal. Ekki fundust aðrir umhverfisvænni kostir segir í bókun umhverfis- og mannvirkjaráðs. -
Fataslá sett upp í MA - Kaupum sjaldnar, kaupum notað
Nú má finna fataskiptislá framan við bókasafn Menntaskólans á Akureyri. Fólki er frjálst að koma með fatnað og/eða taka af sláni eftir því hvað hentar hverju sinni. Í tilkynningu frá umhverfisnefnd skólas segir að textíliðnaðurinn sé einn sá umfangsmesti í heimi og að honum fylgi gríðarleg mengun og umhverfisspjöll. -
Nýtt stjórnsýsluhús á Laugum tilbúið
Í dag var merkilegur áfangi í sögu Þingeyjarsveitar þegar nýtt stjórnsýsluhús á Laugum var formlega tilbúið. Ragnheiður Jóna Ingimarsdóttir, sveitarstjóri fékk lyklana afhenta við óformlega athöfn í haust blíðunni. Húsið mun hýsa skrifstofu sveitarfélagsins og þar verða einnig rými sem fyrirtæki, stofnanir og einyrkjar geta nýtt sér. Vonast er til þess að húsið verði iðandi af lífi, suðupottur hugmynda og verkefna þar sem allir eru velkomnir -
Grýtubakkahreppur, Norðurþing og Þingeyjarsveit - Ekki innheimt gjald fyrir ávexti
Ekki verður innheimt gjald fyrir þjónustu mötuneytis Grenivíkurskóla við nemendur skólans fá og með haustinu 2024. Allur matur sem börnin fá í skólanum, morgunmatur, hádegisverður, ávextir eða annað er gjaldfrjáls. Áður var innheimt eitt gjald fyrir allan mat. -
Síðuskóli 40 ára
Eins og fram hefur komið var því fagnað í gær að þá voru 40 liðin frá þvi að Síðuskóli á Akureyri tók til starfa. -
Áætlað að slátra um 88 þúsund fjár á Húsavík
Sláturtíð hófst hjá Kjarnafæði Norðlenska á Húsavík í fyrradag. Áætlað er að hún standi yfir til loka október, ljúki 31. þess mánaðar og á þeim tíma er gert ráð fyrir að slátra á bilinu 87.500 til 88.000 fjár. -
Ekkert ferðaveður á Mývatnsöræfum
Lögreglan á Norðurlandi eystra segir á Facebooksíðu embættisins frá illviðri á Mývatnsöræfum og er færslan svohljóðandi: ,,Lögreglunni á Norðurlandi Eystra voru að berast upplýsingar um mjög slæmt verður á Mývatnsöræfum. Sandstormur og ofsarok. Malbik er að flettast af veginum vestan við Jökulsá á Fjöllum við Grímsstaði. Ökumenn hafa leitað vars með bíla sína á aðeins skjólsælli stöðum. Lögreglumenn sem fóru um svæðið fyrir skammri stundu óskuðu þess að vegfarendur yrðu upplýstir með þessar aðstæður ef nokkur kostur væri. Vegagerðin er einnig að setja inn viðvörun um hættulegar aðstæður á veginum vegna veðurs, á sinn vef í þessum töluðu orðum. Látið endilega vini og kunningja vita ef þið vitið af ferðum fólks þarna efra. Bíðið af ykkur veðrið og fylgist með veðurspá og færð.” -
Sólin skín og vindur blæs
Það er óhætt að segja sem svo að það blási ansi hressilega hér i bæ enda hefur samkvæmt mælum Veðurstofu Íslands vindhraðinn slegið í 27 metra hér í kviðum og þó aðeins hafi lægt s.l. klukkustundina eru enn 10 metrar á klst og fer i 20 metra í kviðum.
Athugasemdir