Akkúrat öfugt 2
Á næstu dögum er Akkúrat öfugt 2 væntanleg í bókabúðir. Bókin er önnur í bókaflokknum um líflegu og skemmtilegu sögupersónuna, Akkúrat öfugt. Bókaflokkurinn er samvinnuverkefni okkar hjóna.
Hugmyndin á bakvið sögupersónuna kviknaði þegar börnin okkar voru yngri og vildu oft á tíðum fara eigin leiðir við að framkvæma hlutina, svona eins og börn gera þegar þau eru að uppgötva sjálfstæði sitt. Við tókum hugmyndina skrefinu lengra og vildum ögra staðalímyndum í samfélaginu okkar. Markmið bókanna er því að fá lesendur til þess að hugsa hlutina á nýjan hátt, út frá ólíkum sjónarhornum. Við vonumst til þess að lestur bókarinnar ýti undir samtöl á milli foreldra ogbarna um þessar staðalímyndir og viljum við vekja athygli á og hvetja lesendur til þess að fara eigin leiðir óháð því hvað ,,normið“ er.
Í Akkúrat öfugt 2 er sagt frá ævintýrum sögupersónunnar á afmælisdegi hennar og þeim leiðum sem valdar eru til að fagna deginum. Í gegnum bókina koma reglulega spurningar sem ætlaðar eru til þess að lesandi geti staldrað við, velt þeim fyrir sér og virkjað ímyndunaraflið. Bókin er skrifuð sem léttlestrarbók og hugsuð fyrir alla. Litríkar myndirnar henta vel fyrir yngri börn og með auknum þroska geta þau tekið sífellt meiri þátt í að setja sögupersónuna í ýmsar aðstæður.
Akkúrat öfugt er kynlaus karakter og er það val lesandans að ákveða hvort og þá hvaða kyn verður fyrir valinu hverju sinni sem bókin er lesin. Sú ákvörðun er hluti af því að fara gegn staðalímyndum og leyfa lesendum að mynda eigin skoðanir á sögupersónunni út frá eigin upplifun.
Vinnan við bækurnar er tímafrek þar sem mikill tími fer í undirbúningsvinnu og við þurfum að hugsa vel út fyrir boxið sem við erum svo gjörn á að festast í. Þetta er því bæði mjög skemmtilegt en ásama tíma krefjandi fyrir okkur að finna leiðir fyrir Akkúrat öfugt til að fara gegn staðalímyndum. Við höfum verið svo heppin að hafa frábært fólk með í liðinu okkar við gerð bókanna. Alexandra Guðný Berglind Haraldsdóttir hefur séð um að glæða sögupersónurnar lífi með sínum líflegu og flottu teikningum. Hún hefur náð að skapa einstakan og litríkan heim fyrir sögupersónurnar okkar. Skúli Bragi Geirdal hefur svo séð um uppsetningu og fínpússun á útliti bókanna. Við erum þeim afar þakklát fyrir framlag sitt til bókaflokksins. Uppátæki Akkúrat öfugt eru af ýmsum toga og við vonum að þiðhafið gaman að því að skora eigin staðalímyndir á hólm við lesturinn.
Höfundar eru:
Hildur Inga Magnadóttir, foreldra- og uppeldisfræðingur
og doktorsnemi
Ásgeir Ólafsson Lie, markþjálfi og ráðgjafi
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
