Afrakstur í Bragganum Yst í Öxarfirði
Í tengslum við Sólstöðuhátíðina á Kópaskeri 17.-20. júní mun sýningin Hringsól / Turnings vera opin, en um er að ræða margræða sýningu á myndverkum eftir sænska, breska og íslenska listamenn. Verkin voru gerð og sett upp í 10 daga listamannadvöl í Bragganum Yst í Öxarfirði í maí 2022. Þau endurspegla umhverfi, íbúa og náttúruna kringum Braggann Yst. Verkin eru líka með skírskotun til yfirvofandi umhverfisvár með tilheyrandi kvíða og óvissu en jafnframt von og tilfinningu fyrir endurnýjun í gegnum samskipti og samvinnu.
Það var listakonan Yst eða Ingunn St. Svavarsdóttir sem opnaði dyr sínar fyrir listafólkið og nú gesti til að njóta. Listafólkið sem unnu sýninguna eru Yst; Ingunn St. Svavarsdóttir frá Íslandi, David Foggo frá Bretlandi, Kathryn Johnson frá Bretlandi og Helen Edling Svíþjóð og John Maclean Svíþjóð/Bretlandi.
Verkefnið var eitt af þeim frábæru verkefnum sem hlutu styrk úr Uppbyggingarsjóði Norðurlands eystra (NE) 2022.
Þess má jafnframt geta að þann 20. júní fara fram tónleikar með Bríeti og eru þeir hluti af tónleikaröð Flygilvina tónlistarfélags við Öxarfjörð, en sú röð hlaut jafnframt styrk úr Uppbyggingarsjóði NE 2022.
Ljóst er að íbúar og gestir Öxafjarðarhéraðs geta göfgað andann undir sólinni næstu daga.
Nýjast
-
Tími til að gleðjast með fjölskyldunni
Aðventuhátíðin Jólabærinn minn á Húsavík -
Njál Trausta áfram sem þingmann okkar í Norðausturkjördæmi
Njáll Trausti Friðbertsson er í baráttusæti Sjálfstæðisflokksins í þeim tvísýnu þingkosningum sem framundan eru. -
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur.
