Við þurfum frk Ragnheiði á Akureyri
Verkefni frk Ragnheiðar á Akureyri, er merkilegt fyrir margra hluta sakir og er það sjálfboðaliðastarf sem þar er unnið er vægast sagt aðdáunarvert. Frú Ragnheiður á Akureyri, er skaðaminnkandi verkefni á vegum Eyjafjarðardeildar Rauða Krossins á Akureyri, sem hefur verið starfrækt í bænum frá árinu 2018. Verkefnið miðar að þjónustu við einstaklinga með erfiðan fíknivanda og veitir þeim, heilbrigðisaðstoð, sálrænan stuðning og nálaskiptaþjónustu. Unnið er samkvæmt hugmyndum um skaðaminnkun sem snýst m.a. um að draga úr jaðarsetningu þeirra sem glíma við erfiðan fíknisjúkdóm. Skjólstæðingar frk Ragnheiðar á Akureyri voru fyrstu átta mánuði yfirstandandi árs 32 talsins, komur í bíl Frú Ragnheiðar eru orðnar 262 á sama tíma.
Mannréttindaviðurkenning Akureyrarbæjar
Frá upphafi verkefnisins hefur fjölbreyttur sjálfboðaliðahópur mannað þrjár vaktir í viku, allan ársins hring. Tveir sjálfboðaliðar eru á hverri vakt, annar með heilbrigðismenntun. Þær Berglind Júlíusdóttir og Edda Ásgrímsdóttir, fengu á þessu ári mannréttindaviðurkenningu Akureyrabæjar fyrir framlag sitt til frk Ragnheiðar. Þær hafa verið sjálfboðaliðar og frumkvöðlar þessa verkefnis, hafa gefið tíma sinn og þekkingu í þágu mannúðar fyrir skjólstæðinga sem margir hverjir eru jaðarsettir vegna stöðu sinnar. Þær og aðrir sjálfboðaliðar verkefnisins hafa sannarlega unnið óeigingjarnt og þakkarvert starf.
Ríki og sveitarfélög þurfa að vera með
Það er fjölbreyttar áskoranir sem blasa við skjólstæðingum Frú Ragnheiðar, þá helst næringar- og húsnæðisvandi. Fram hefur komið áhugi hjá aðstandendum verkefnisins að þróa betur samstarf frk Ragnheiðar og opinberra aðila, m.a. við Akureyrarbæ. Augljóst er eftir þessi fyrstu ár í starfsemi Frú Ragnheiðar að þörfin hér á Akureyri er sannarlega til staðar. Akureyrarbæ hefur nú þegar borist beiðni frá Rauða krossinum um stuðning við verkefnið. Verður það í höndum velferðarráðs Akureyrarbæjar að taka afstöðu til þeirrar beiðni, en mun ráðið á næstu vikum auglýsa eftir styrkbeiðnum og taka í kjölfarið ákvörðun. Ríkið, Akureyrarbær og nærliggjandi sveitarfélög ættu að styðja við þetta mikilvæga verkefni með því að gera langtímasamning við Frú Ragnheiði, sem skapar fyrirsjáanleika í starfi þeirra. Við hreinlega getum ekki látið eins og málefni skjólstæðinga frk Ragnheiðar komi okkur ekki við.
Hilda Jana Gísladóttir
Bæjarfulltrúi Samfylkingarinnar á Akureyri
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
