Vasast í ýmsu
Jónas Þór Viðarsson skrifar
Í nútímasamfélagi eru sífellt fleiri sem velja sér að „múltí-taska“ og vasast í ýmsu. Tæknibreytingar og bættar samgöngur gera þetta mögulegt. Ég er einn af þeim sem vasast í ýmsu og mínir hattar sem ég set upp eru; foreldri, verktaki, bóndi, kennari, trúbador í frístundum og íbúi í dreifbýli. Það eru því ýmsir þættir innan sveitarfélagsins sem koma mér beint við. Og eflaust get ég tengt við daglega hluti flesta íbúa í Norðurþingi á einn eða annan hátt.
Foreldri
Sem foreldri þá geri ég þá kröfu að Norðurþing sjái til þess að börnum mínum bjóðist góðir skólar. Kennslan þarf að vera fjölbreytt og börnin að fá góðan aðbúnað og einnig þau sem þurfa sérkennslu.
Við í V-listanum viljum gera skólamáltíðir í leikskóla gjaldfrjálsar. Þannig skref ,lítil og markviss, munu létta aðeins á foreldrum með börn á leikskólaaldri.
Verktaki
Sem betur fer þá virðist verkefnastaða á flestum stöðum í Norðurþingi góð nú um stundir, t.d miklar framkvæmdir í fiskeldi á landi og margir möguleikar á grænum iðngörðum á Bakka til framtíðar líkt og Norðurþing og Landsvirkjun stefna að. Norðurþing verður að passa að verktakar í sveitarfélaginu hafi jafna aðkomu að verkum á vegum Norðurþings
Bóndi
Sem bónda er mér annt um umhverfið og í öllum mínum verkum hvort sem það tengist áhugamálum eða landbúnaði þá tengi ég alltaf sterkt við náttúruna og vill þar af leiðandi miða allt við hennar þarfir. Samkvæmt nýjustu útreikningum frá (jord.is) þá er búið mitt kolefnis jákvætt og leggjum við þar okkar að mörkum að gera Ísland að kolefnishlutlausi landi og er það eitthvað sem við verðum öll að hjálpast að með sem samfélag. Einnig seljum við okkar kjöt beint til viðskiptavina og náum þannig að minnka kolefnissporið. Bæði sem bóndi og íbúi þá er mikilvægt að allir íbúar nýti sér þá þjónustu sem er til staðar, t.d. get ég keypt flest allt sem tengist landbúnaði án þess að sækja það langt eða fá sent, jafnvel keypt mér skó, fatnað, byggingavöru og farið út að borða
Kennari
Sem kennari þá þekki ég til starfsumhverfisins í Lundi í Öxarfirði. Þar eru eins og gengur margir hlutir sem mega betur fara og ætlum við í V- listanum stuðla að bættu starfsumhverfi kennara og nemenda með auknu viðhaldi og bættum búnaði. Má þar nefna að ýmis búnaður er orðinn gamall og úr sér genginn og hljóðvist í skólum er ábótavant. Við þurfum að hafa vinnustaðinn þannig að kennurum og nemendum líði vel í skólanum.
Íbúi í dreifbýli
Sem íbúi í dreifbýli þá vil ég geta flokkað ruslið mitt eins og íbúar í þéttbýli. Fólk þarf að geta byggt sér hús eða keypt og fengið jafna grunnþjónustu hvar sem er í sveitarfélaginu. Ég vil að vegir séu mokaðir áður en umferð byrjar á morgnana þannig að ég komist leiða minna og geti t.d skotist í Mývatnssveit eða Egilsstaði um nýjan Dettifossveg yfir vetrartímann. Síðan er það ómetanleg þægindi að geta keyrt um 60 km á Aðaldalsflugvöll til að geta flogið til Reykjavíkur. Þetta er eitthvað sem við í sveitarfélaginu verðum að standa vörð um og sýna að það sé þörf fyrir þessu ef við ætlumst til að þjónustan sé til staðar.
Það að vasast í ýmsu eins og ég og mín fjölskylda gerum hefur veitt okkur innsýn í marga kima í okkar samfélagi í Norðurþingi. Mikilvægast er að við íbúar í Norðurþingi stöndum vörð um okkar innviði og sýnum ráðdeild í rekstri sveitarfélagsins. Ég stend með börnunum okkar, fjölbreyttum iðnaði, landbúnaði, náttúrunni, menningunni og fólkinu öllu - ungu sem öldnu.
Jónas Þór Viðarsson, foreldri, smiður, kennari, bóndi og frístunda-tónlistarmaður
Höfundur er í 3. sæti á V-listanum í Norðurþingi
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
