20. nóvember - 27. nóvember - Tbl 47
Umhverfisáskorun til sveitarfélaga á Norður- og Austurlandi
Ragnar Sigurðsson, bæjarfulltrúi Sjálfstæðisflokksins í Fjarðabyggð og varaþingmaður og Þórhallur Jónsson, bæjarfulltrúi Sjálfstæðisflokksins á Akureyri og formaður skipulagsráðs.
Þrátt fyrir stór skref í endurvinnslu á undanförnum árum fer enn mikið magn úrgangs til urðunnar með tilheyrandi kostnaði, jarðraski og kolefnisspori. Það er ljóst að enn eru mikil tækifæri til staðar í frekari endurvinnslu úrgangs.
Sú kynslóð sem er að vaxa úr grasi á Norður- og Austurlandi þekkir ekki annað en að sorp sé flokkað og hefur staðið sig vel í því. En til hvers að flokka þegar helmingurinn af sorpinu er svo keyrður um langan veg og urðaður með tilheyrandi kostnaði og mengun fyrir sveitarfélög og íbúa þeirra?
Lengi hefur verið talað um sorp eða úrgang sem endurnýtanleg verðmæti. Engu að síður eru þessi verðmæti vaxandi kostnaðarliður sveitarfélaga og íbúa þeirra eins og málum er háttað í dag. Þessi úrgangur er í talsverðu magni fluttur úr landi, þar sem hann verður endanlega að verðmætum eftir endurvinnsluferli eða með brennslu til framleiðslu á orku.
Tækifæri
Í Svíþjóð er um helmingur úrgangs nýttur til framleiðslu á orku til húshitunar fyrir um eina milljón heimila og raforku fyrir 250 þúsund heimili. Spyrja má hvort Íslendingar geti einnig náð árangri í þessum efnum. Ef sveitarfélög á Norður- og Austurlandi taka höndum saman og koma í sameiningu upp brennsluofni mætti framleiða orku, draga úr mengandi landfyllingu úrgangs, auka endurnýtingu og draga úr kostnaði. Það er til mikils að vinna þar sem talið er að urðunarkostnaður muni aukast á næstum árum vegna meiri hamla á urðun úrgangs í landfyllingu.
Áskorun
Undirritaðir skora á sveitarfélög á Norður- og Austurlandi að taka höndum saman og kanna hagkvæmni þess að stofna félag er hefði það að markmiði að koma upp úrgangsbrennslu til orkuframleiðslu.
Þórhallur Jónsson, bæjarfulltrúi Sjálfstæðisflokksins á Akureyri og formaður skipulagsráðs.
Ragnar Sigurðsson, bæjarfulltrúi Sjálfstæðisflokksins í Fjarðabyggð og varaþingmaður.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
