20. nóvember - 27. nóvember - Tbl 47
Um Íslandsþara verksmiðjuna
Hlífar Karlsson skrifar
Í ágætu viðtali við Frey Ingólfsson efnaverkfræðing kemur ýmislegt fram sem vert er að staldra við um verkefnið og væntingar bundnar því. Enginn velkist í vafa um að hér er um stórkostlegt tækifæri að ræða í líftækni og miklar vonir bundnar við að vinnsla úr lífríki sjávar öðru en fiski eigi sér mikla framtíð.
Það vakti því óskipta ánægju þegar fréttist að búið væri að veita lóð undir slíka verksmiðju á Víðimóum á móts við hús Orkuveitu Húsavíkur. En skjótt skipast veður í lofti allskonar sögur fóru á loft um að allt í einu var ekki hentugt að reisa verksmiðjuna þar annað hvort yrði hún niður við höfn eða bara á Dalvík.
Það er er ljóst að stemmningin fyrir verksmiðju niður á hafnarsvæðinun er nákvæmlega engin og andstaðan við hana nú þegar hún er komin fram vaxandi meðal íbúa. Það hefur verið ótrúlega erfitt að fá fram vilja sveitarstjórnarfólks í máli þó sögðu fulltrúar framsóknarflokks og sjálfstæðisflokks fyrir kosningar að ádráttur um lóð á hafnarsvæðinu væri til þess að draga fyrirtækið að borðinu því það væri ómögulegt að fá fram hugmyndir þeirra og óskir um hverjar væru þeirra raunverulegu kröfur á hendur sveitarfélaginu.
Forseti sveitastjórnar Hjálmar Bogi Hafliðason upplýsti okkur um það að búið væri að skilgreina iðnaðarsvæði á Bakka og í hans huga og þeirra félaga léki enginn vafi á að ef að þessu yrði yrði þetta fyrirtæki þar. Undir þetta tóku félagar hans.
Freyr segist skilja áhyggjur íbúa út af staðsetningunni, lyktar og hávaðamengun sem starfseminni fylgi en það er bara hálf sagan eins og fram kemur á myndinni sem fylgir auglýsingu um íbúafund fyllir verksmiðjuhúsið lóðina að öllu leyti og hvað þá um aðra þætti ekki trúi ég að þessari starfsemi fylgi ekki önnur umsvif eins og umferð flutningatækja að og frá væntanlega kallar starfsemin líka á ýmsa aðra þjónustu.
Freyr segir að öllu máli skipti að koma hráefninu sem ferskustu inn í verksmiðjuna. Það eru 800 m. suður á Víðimóa og út á Bakka í gegnum göngin eitthvað örlítið lengra. Það getur ekki verið frágangssök.
Þá komum við að vinnslunni sjálfri en henni á að skipta upp í tvær verksmiðjur frumvinnsla á Húsavík og fullvinnsla á Akureyri en þar skilst mér að ráði mestu mönnunarvandi. ‚Í því sambandi vil ég benda Frey á að núna er einstakt tækifæri sem vert væri að kanna. Úti í hinum stóra heimi eru ýmsar blikur á lofti sem ekki þarf að tíunda hér. Það skildi þó ekki vera framboð á hámenntuðu fólki eins og þér með maka og börn, fólki sem þráir ekkert heitar en komast í öruggt umhverfi og geta alið upp og menntað sín börn í friði fyrir Pútínum, Erdógunum og oligörkum þessa heims. Er ekki sagt að á Íslandi vanti 9000 þúsund vinnandi hendur á allra næstu árum. Um þurrkunarferlið og mengunina nenni ég ekki að elta ólar við. Auðvítað er hægt að staðsetja þessa starfsemi bæði á Bakka og Víðimóum og þarf ekkert að skipta henni upp þess vegna.
En eitt verð ég að minnast en það er svokölluð fyrirtækjamenning. Nú er á tyllidögum mjög mikið talað um samfélagslega ábyrgð fyrirtækja en í því felst að fyrirtæki umgangist umhverfið og samfélagið sem það starfar í af virðingu og og tillitssemi að fyrirtækið virði og skilji að nei þýðir nei. Það er hægt að nauðga ekki bara konum, körlum og börnum. Það er líka hægt að nauðga samfélögum. Fyrirtæki sem skilja ekki að nei þýðir nei og ætla sér í krafti einhverra þeirra verðmæta sem þau ráða eða telja sig ráða yfir hafa ekki skilið kall tímans og eiga því engan rétt í samfélagi manna.
Við sveitastjórnarmenn í Norðurþingi vil ég segja þetta. Réttið úr ykkur setjið kassann fram og standið með sjálfum ykkur og fólkinu sem kaus ykkur.
Hlífar Karlsson
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
