Þöggunarmenning á Húsavík
Aldey Unnar Traustadóttir skrifar
Þöggunarmenning er þögult samþykki einstaklinga þar sem aðal markmiðið er að hlífa gerendum þannig að ákveðnir hlutir eru ekki ræddir. Þöggunarmenning getur átt við á mörgum stöðum og í mörgum myndum og hún getur magnast ef einhver reynir að rjúfa þögnina. Það sem gerist þegar þöggunarmenning er viðhöfð er að lítilsvirðing, valdaníðsla og ámælisverð hegðun viðgengist án þess að nokkur grípi inn í. Þöggunarmenning á Íslandi er svo rótgróin að oft sjáum við hana ekki einu sinni, jafnvel hrósum okkur fyrir hana.
Þegar fólk er beitt ofbeldi þá líður okkur illa, okkur finnst það óþægilegt og því er oft “auðveldast” að tala bara ekkert um það, eða það er það sem okkur hefur verið kennt. Vandamálið er hins vegar að það er ekkert auðveldara að tala bara ekki um það því að ef ofbeldi er samþykkt í samfélaginu þá getur það magnast og það verður erfiðara fyrir þolanda að segja frá. Það er lykilatriði í bataferli þolanda að geta sagt frá. Þörfin birtist á mismunandi hátt fyrir hvert og eitt okkar en þolendur þurfa að upplifa að þau megi segja frá.
Í litlum samfélögum verður þöggunarmenning oft enn flóknari því einhver þekkir einstaklingana sem um ræðir og því enn erfiðara að tala um það sem gerist. Húsavík er ekki undanskilin hér. Við höfum ótal mörg dæmi héðan þar sem ofbeldi hefur verið beitt og í kjölfarið gert lítið úr því og það þaggað vegna þess að gerandinn er svo “næs” eða svo flinkur í sinni stöðu að ekki má hrófla við neinu.
Ég segi flinkur í sinni stöðu vegna þess að í ár er áhersla Druslugöngunnar valdaójafnvægi. Í fjölmiðlum hefur mikið verið fjallað um góðu strákana, fótboltamennina, tónlistarmennina o.fl. en mig langar til að minna á að valdaójafnvægi birtist á margan annan hátt. Valdaójafnvægi má finna á vinnustöðum, í skólakerfinu, í fjölskyldum, í pólitíkinni og á fleiri stöðum. Valdaójafnvægi á nánast alltaf við þegar ofbeldi er beitt. Þess vegna þarf fólk sem að er í valdastöðu, sérstaklega í litlum samfélögum að vanda sig. Fólk þarf að taka ábyrgð, samfélagið þarf að taka ábyrgð og síðast en ekki síst, gerendur þurfa að taka ábyrgð. Við eigum ekki að samþykkja að fólk í valdastöðum nýti vald sitt til að brjóta á öðrum. Með þöggunarmenningu erum við ekki að hjálpa samfélaginu, við erum að hjálpa ofbeldis fólkinu.
Það er mikil þörf fyrir því að berjast gegn ofbeldi og það er mikil þörf fyrir að gera það hátt og snjallt. Því hvet ég ykkur öll til að mæta á Druslugönguna á Húsavík laugardaginn 23. júlí og hafa hátt. Hættum að samþykkja óviðunandi hegðun annarra, tölum um það, verum til staðar og ekki gera lítið úr upplifun annarra.
Aldey Unnar Traustadóttir, Húsvíkingur, femínisti og aktívisti
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
