20. nóvember - 27. nóvember - Tbl 47
Takk Norðurorka
Helga Dögg Sverrisdóttir.
Norðurorka er eitt fyrirtækja sem veitir samfélagsstyrki. Undirrituð er ein þeirra sem naut velvildar fyrirtækisins í ár. Þegar ég tók á móti styrknum varð mér ljóst hve margir vinna gott starf af ýmsum toga. Allt áhugavert. Til hamingju allir sem fengu styrk. Starfsmenn Norðurorku hafa án efa átt erfitt með að velja úr mögum áhugaverðum verkefnum. Undirrituð fékk styrk til að framkvæma könnun á áhugasvið drengja á miðstigi í grunnskólum Akureyrar.
Hér er um könnun að ræða ekki rannsókn, gott að halda því til haga. Könnun sem við í skólasamfélaginu getum vonandi nýtt okkur til að þróa og breyta innan grunnskólans teljum við þörf á því í ljósi upplýsinga sem koma fram í könnuninni.
Áhuginn kviknar
Sú umræða sem hefur átt sér stað um stöðu drengja vakti áhuga minn. Umræðan hefur verið á þann veg að námið og kennsluhættirnir höfði ekki til hluta drengja í skólakerfinu. Bent hefur verið á mikla notkun hegðunarlyfja sem ávísað er á drengi. Talið er að of margir drengir lesi sér ekki til gagns að loknum grunnskóla. Sagt er að drengir fari á flug í námi undir lok framhaldsskólans enda þá komnir inn á áhugasvið sitt. Er ekki svolítið seint, eftir að hafa verið í leik- og grunnskóla, að komast á flug undir lok náms í framhaldsskóla? Því verður hver og einn að svara.
Engin ein leið er rétt til að rétta hlut drengja en sem samfélag ber okkur skylda að skoða leiðir til að breyta innan grunnskólans fyrir þá sem þar stunda nám.
Könnun hafin
Þegar þetta er skrifað hefur hluti drengja í skólunum svarað könnuninni. Farið var eftir formlegum leiðum og foreldrar gátu hafnað þátttöku barnsins. Gerðu þeir það ekki var litið á það sem samþykki. Könnunin er ekki rekjanleg til þátttakenda enda um nafnlausa könnun að ræða.
Í könnuninni er spurt hvort drengir hafi áhuga á valgreinum á miðstigi og þá hvaða. Kannað er hvort þeir vilji meiri hreyfingu í skólanum. Kannað er hvaða þrjár námsgreinar eru skemmtilegar sem nú þegar eru kenndar. Spurt er um hvaða námsgrein þeir myndu vilja inn sem er ekki kennd. Spurt er um lestur og hve oft þeir lesa. Spurt er um líðan þeirra í skólanum, heimanám og fleiri í þá veru. Þegar könnuninni lýkur verða henni gerð nánari skil eins og segir í umsókninni til Norðurorku með það að markmiði að benda á þætti sem hugsanlega mætti efla í skólastarfi.
Hvað svo
Margar kannanir eru gerðar á hverju ári um allt mögulegt. Sammerkt með mörgum þeirra er að upplýsingum er safnað án þess að brugðist sé við því sem betur má fara. Könnunina um áhugasvið drengja í skólum bæjarins er hægt að nota til skólaþróunar.
Nú þegar er slík skólaþróun í gangi í Síðuskóla og segja má að umræðan um stöðu drengja hafi átt sinn þátt í því. Verið er að skoða hvort bjóða eigi upp á valgreinar eftir páska í tilraunaskyni. Með samhentum hópi starfsmanna og stjórnenda skólans er það framkvæmanlegt. Gefist þessi tilraun vel munu viðeigandi aðilar skoða hvort bjóða eigi nemendum í 5. -7. bekk valgreinar á næsta skólaári.
Enn og aftur, takk Norðurorka að styrkja verkefnið, án þess hefði það ekki farið af stað.
-Helga Dögg Sverrisdóttir grunnskólakennari í Síðuskóla.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
