20. nóvember - 27. nóvember - Tbl 47
Ráðhús á nýjum stað
Ragnar Sverrisson
Töluverð umræða hefur farið fram um ráðhús Akureyrar og staðsetningu þess. Ástæðan er sú að Landsbankahúsið við Ráðhústorg er til sölu og í því sambandi hefur verið stungið upp á að bærinn keypti það, breytti og bætti og gerði síðan að ráðhúsi við samnefnt torg. Fram hafa komið efasemdir um þá tillögu og bent á að hún yrði bæði dýr og óhagkvæm enda húsið gamalt og þarfnast mikilla endurbóta til þess að uppfylla kröfur sem gera verður til nútíma stjórnsýsluhúss.
Aðrir benda á að fyrir liggi útfærsla á núverandi ráðhúsi sem ærinn peningur fór í á sínum tíma með arkitektasamkeppni. Nærtækara væri að koma þeim hugmyndum í framkvæmd en það yrði þá enn ein viðbótin við gömlu slökkvistöðina sem mörgum þykir ekki síður flókið og dýrt verkefni. Mikil óvissa yrði með hagkvæmnina þegar upp væri staðið enda þarf að breyta gömlu húsi og tengja það nýjum álmum á tiltölulega þröngu svæði sem gefur auk þess litla möguleika á myndarlegri byggingu sem ráðhús þarf að vera til að standa undir nafni.
Þess vegna leyfir undirritaður sér að stinga upp á þriðja valkostinum sem mér vitandi hefur ekkert verið skoðaður eða ræddur. Þar sem ekki er búið að ganga endanlega frá skipulagi svæðisins sem losnar þegar gamli íþróttavöllurinn verður lagður niður, væri kjörið að útfæra þar nýtt og myndarlegt ráðhús. Af mörgum ástæðum yrði það hagkvæmt fyrir nútíma stjórnsýslu því engu þarf að breyta og ekkert að lagfæra – einasta hanna og byggja nýtt hús frá grunni í samræmi við nútímakröfur. Á þessum frábæra stað yrði nýtt ráðhús miðpunktur og glæsilegt þriðja tákn bæjarins í viðbót við kirkjuna og Hof sem gegnt hafa því hlutverki með sóma síðustu árin. Síðan mætti koma fyrir íbúðabyggð í kring, verslunum og öðrum þjónustufyrirtækjum sem saman gætu myndað tengingu milli núverandi miðbæjar og Glerártorgs. Ráðhúsið yrði þá miðsvæðis í öllu því iðandi mannlífi sem stærri miðbær yrði í framtíðinni frá Torfunefi norður að Glerá. Auðvelt yrði að útfæra torg fyrir framan húsið ef vilji er til – raunverulegt Ráðhústorg - og gera umhverfið þar aðlaðandi og vinsælt fyrir gesti og gangandi.
Ljóst er að bærinn stendur frammi fyrir mjög álitlegu tækifæri sem ekki gefst aftur ef það verður ekki nýtt núna. Gríðarlega mikilvægt er að svæðið, sem íþróttavöllurinn hefur verið á síðustu sjötíu árin, verði útfært þannig að sómi sé að. Að mínum dómi færi best á að gera það að miðpunkti mannlífs í lifandi miðbæ sem einnig hýsir stjórnsýslu bæjarins. Þarna væri hægt að byggja ráðhús frá grunni á mjög góðu byggingarlandi og ekki þörf á að eyða gríðarlegum fjármunum bæjarbúa til að fjarlægja, laga eða breyta eldra húsnæði.
Að þessu sögðu hvet ég til málefnalegrar umræðu meðal bæjarbúa um ofangreinda tillögu. 0pin umfjöllun um svo mikilvægt málefni er nauðsynleg og gæti leitt til farsælla lausna sem bæjarbúar munu svo gleðjast stoltir yfir þegar allt verður komið í kring og við blasir glæsilegt og hagkvæmt ráðhús Akureyrar í hjarta bæjarins.
Ragnar Sverrisson kaupmaður
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
