„Opinmynntur og steinhissa tók hann við vendinum”
Ingólfur Sverrisson skrifar
Einvalalið kennara starfaði við Barnaskólann eina á Akureyri um miðja 20. öldina. Ekki nóg með að þeir sinntu starfi sínu þar af mikilli kostgæfni heldur voru margir þeirra þekktir í bænum vegna annarra starfa sem þeir unnu að í frístundum. Nægir að nefna stjórnendur skólans þá Hannes J. Magnússon og Eirík Sigurðsson sem gáfu út barnablaðið Vorið og naut vinsælda um allt land, Örn Snorrason sem skrifaði metsölubókina “Þegar við Kalli vorum strákar,” Tryggva Þorsteinsson skátahöfðingja og Björgvin Jörgensson en hann stjórnaði Barnakór Akureyrar sem söng oft í óskalagaþáttum útvarpsins en í þá daga varð ekki komist öllu lengra.
Á þessum tíma kom ungur og vaskur kennari til skólans sem kenndi myndlist og leikfimi. Hann hét Einar Helgason og sagður að austan. Fljótt ávann hann sér hylli okkar nemenda enda ákaflega hvetjandi kennari hvort heldur hann fræddi okkur um leyndardóma myndlistarinnar, leikfimi eða aðrar íþróttir. Hann sýndi okkur oft sjálfur hvernig gera átti leikfimiæfingar af slíkri fimi, krafti og list að við supum hreinlega hveljur. Enn jókst álit okkar á honum þegar orðstír hans í marki knattspyrnuliðs ÍBA barst langt út fyrir bæjarmörkin.
Það vakti strax mikla athygli meðal okkar bekkjarsystkina í 43-árganginum þegar fréttist að Einar hefði trúlofast glæsilegri konu sem var líka íþróttakennari við skólann. Þar var komin til sögunnar Ásdís Karlsdóttir. Árgangurinn var samdóma um að með þessum ráðahag hafi komið fram eitt glæsilegasta og gæfulegasta par seinni tíma. Því væri ástæða til að fagna og Helga Haralds í Brauns-verzlun safnaði liðinu saman og komst einhvern veginn yfir forláta blómvönd. Með hana og vöndinn fremsta í flokki örkuðum við í tugatali eitt hádegið í halarófu niður í bæ. Rögnvaldur kammerráð vinkaði okkur glaðlega þar sem hann stóð fyrir framan höfuðstöðvar sínar undir kirkjutröppunum. Ægir Hjartarson var við blaðavagninn sinn á kaupfélagshorninu og tók upp sjónaukann góða til að skoða hvaða flóðbylgja þetta væri en róaðist þegar hann sá að hér voru aðeins á ferð kátir krakkar í einhverri óvissuferð. En engin óvissa var í okkar huga hvert ferðinni var heitið því hersingin hélt rakleitt yfir Hafnarstrætið, framhjá Vöruhúsinu og að húsinu númer eitt hundrað. Þar var leitað inngöngu og síðan flæddi mannskapurinn upp á aðra hæð og stóð fyrir framan hurðina að mötuneytinu sem þar var. Auk þess tróðum við okkur í stigann fyrir ofan og neðan og biðum spennt þegar Helga barði að dyrum. Einn kostgangarinn lauk upp og Helga spurði hvort Einar Helga væri þarna inni. Hann játti því og kallaði stundarhátt til Einars að verið að væri spyrja eftir honum. Heyra mátti saumnál detta þegar Einar birtist og Helga afhenti honum hátíðlega blómvöndinn góða og óskaði honum og Dísu til hamingju með trúlofunina. Opinmynntur og steinhissa tók hann við vendinum um leið og við klöppuðum öll svo undir tók í stigaganginum. Þetta telja fróðustu menn vera eitt af þeim örfáu tilvikum sem Einar Helgason varð gjörsamlega orðlaus. Hann var greinilega bæði hrærður og þakklátur og við ánægð að hafa glatt hann enda átti hann það sannarlega inni hjá okkur.
Ingólfur Sverrisson
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
