Í stöðugu sambandi
Nútímasamfélag gerir kröfu á að við séum stöðugt í sambandi, að það sé alltaf hægt að ná í okkur og að við séum ávallt reiðubúin að svara. Það þykir eðlilegt að það sjáist hvort þú sért tengdur við samskiptaforrit og ef þú ert ekki tengdur forritinu þá hversu langt er síðan þú skráðir þig inn síðast. Eins þykir það afar mikilvægt að menn sjái hvort þú hafir opnað skilaboð sem þeir senda þér, svona til þess að tryggja að þér detti ekki í hug að bíða með að svara.
Allt eykur þetta á áreitið sem fylgir því einfaldlega að vera til, að hlaupa á hamstrahjóli lífsins og að komast í gegnum venjulegan dag. Dagar þess að taka heimasímann úr sambandi til þess að fá frið á meðan vikulegi glæpaþátturinn er í sjónvarpinu eru svo sannarlega taldir.
Fyrir nokkrum árum fóru svokölluð snjallúr að ryðja sér rúms. Þessi úr eru beintengd við snjallsímann og dæla í þig upplýsingum um allt mögulegt. Dæmi um upplýsingar sem streyma í gegnum úrið er hversu hraður hjartslátturinn er yfir í hver sé að senda þér tölvupóst.
Ég hafði aldrei prófað svona úr en fékk slíkt að láni frá manni sem sagði að ég yrði að eiga svona. Eftir að hafa prófað gripinn í um tvær vikur hef ég snarlega hætt við að nota hann og er í raun mjög hugsi eftir reynsluna. Ekki nóg með að snjallsíminn væri að gera heimtingu á að ég sé að glápa á hann allan sólarhringinn, ýmist til þess að velta mér yfir stöðu heimsmálanna og áhrifavalda eða til þess að svara endalausum skilaboðum sem dynja á manni úr hinum ýmsu áttum þá var úrið ítrekað farið að víbra á handleggnum og appið sem því fylgdi farið að rífa kjaft um að ég væri ekki að standa mig nógu vel í lífinu. Í hvert skipti sem einhver sendi skilaboð eða hringdi víbraði úrið með miklum látum á úlnliðnum, alla morgna gaspraði það um að ég hefði ekki sofið nóg vel og svo minnti það stöðugt á einhver skrefa markmið sem ég minnist ekki að hafa sett mér.
Eftir tvær vikur fékk ég nóg, reif úrið af mér og ákvað að láta staðar numið. Ég held nefnilega að þrátt fyrir allar þessar tengingar við umheiminn í gegnum snjalltækin höfum við aldrei verið í minna sambandi við okkur sjálf. Við nefnilega þurfum ekki úr til þess að finna hvort við höfum sofið vel eða illa, við getum bara hlustað á líkamann sem sér til þess að láta okkur vita hvort hann sé þreyttur eða sprækur. Þegar öllu er á botninn hvolft er betra að eiga það við sjálfan sig hvort maður sé ekki að hreyfa sig nóg, ekki sí víbrandi snjallúr.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
