Hvað er að frétta?
Hamfarafréttamennska er vinsæl um þessar mundir. Fjölmiðlar virðast keppast um stóryrtar fyrirsagnir og ef það snýst ekki um öfgakenndan veruleika þá er það ekki fréttavert. Á okkur dynja fréttir af hneykslismálum frægra, af fárviðri og farsóttum, skuggalegu næturlífi og svo má endalaust telja. Einu sinni var þetta hlutverk svokallaðrar „gulrar pressu" og þótti ekki sérlega vönduð fréttamennska en nú virðast allir fjölmiðlar vera dottnir í sama farið, klikkbeitur og æsifréttir. Og við spilum auðvitað ósjálfrátt með, máttur fjölmiðla er mikill og erfitt að halda sig við sinn eigin veruleika í flóði af æsifréttum.
Við sjáum þetta vel um þessa Verslunarmannahelgi sem blásin var af og um leið voru tennurnar dregnar úr venjulegum æsifréttum af þessari helgi. Sumarstarfsmenn á helgarvaktinni fjölmiðla urðu hálf vandræðalegir við að leita uppi eitthvað æsilegt en fólk er flest bara að dunda sér heima eða í fjölskylduútilegu og lítið um ofdrykkju og óhöpp. Guði sé lof fyrir það. Við eigum nefnilega öll okkar eigin veruleika sem er jú allskonar, með sorgum og gleði en ekkert endilega fréttnæman svona á mælikvarða fjölmiðla og samfélagsmiðla.
Fréttnæmast í mínu lífi í sumar er líklega þegar sonarsonur minn hjólaði á tvíhljóli í fyrsta sinni á sinni stuttu ævi, ég kláraði að bera á nýju girðinguna utan um garðinn og það hversu sælir og hlýjir júlídagarnir voru okkur. Sérhver dagur ber í sér fréttir af góðum hlutum að gleðjast yfir og erfiðum hlutum að sættast við, fæst af þeim ratar í fjölmiðla en eru samt mikilvægir og sannir. Auðvitað þurfum við að vita hvernig veröldin snýst en líklega er ekki mikil hætta á að það sem er mikilsverðast og okkur er nauðsynlegt að vita, finni sér ekki leið til okkar. En það gæti verið hollt að gefa fjölmiðlunum aðeins minna rými og snúa athyglinni að okkur sjálfum og okkar fólki, berjasprettu og hlýjum síðsumardögum. Njótið vel.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
