20. nóvember - 27. nóvember - Tbl 47
Haustbréf úr 603
Inga Dagný Eydal.
Haustið er mín uppáhaldsárstíð, í það minnsta hér á Akureyri. Þegar kulið í hauststillunum fer að minna á það sem óhjákvæmilega er framundan, skartar gróðurinn sínum fegurstu litum eins og haldið sé dauðahaldi í lífið og sumarið. Mannlífið færist líka í annað og skrautlegra horf um leið og reyniberin roðna og síðustu bláberin verða næturfrostinu að bráð. Ferðamennirnir sem fylla bæinn á sumrin hverfa eins og hverjir aðrir farfuglar og skilja eftir sig bisness og gleymdar sundbuxur í klefa. Þetta sumar Covid19 voru það auðvitað mest íslendingar sem mættu, en þeir stóðu sig frábærlega, settu svip á bæinn, fóru á söfn og veitingahús og jafnvel í hvalaskoðun. Allt þetta án þess að það þyrfti eitt einasta skemmtiferðaskip að menga fjörðinn bláleitri móðu.
Jafnvel með eins metra reglu, fer haustlífið í gang og framundan liggur heill vetur af félagslífi og skólahaldi, kórastarfi, leikfélögum í hverjum hreppi og öllu sem því sem ferðamönnum er oftast hulið. Enginn fer í helgarferð til útlanda þetta haustið enda varla þörf á því þar sem hinn stóri heimur heldur innreið sína í okkar litla Kardimommubæ. Þannig eigum við orðið okkar eigið Lindex, Tiger, og núna H&M (sem ég kalla Hennes & Mauritz, en það er víst mjög gamaldags). Og þangað mæta allir, jafnt fermingastúlkur með meik og stútungskonur úr sveit. Þær síðastnefndu eru yfirleitt með eiginmanninn upp á arminn og þeir reyna að virka veraldarvanir í þessum alþjóðlega tískuheimi og stilla sér upp með stirðu brosi á meðan frúrnar skoða herlegheitin.
Langar leiðir sér þó að þeir vildu vera annað hvort komnir heim í dalinn sinn eða bara á kaffihús með hnallþóru og rjúkandi kaffi, -blessaðir mennirnir. Svo taka þeir frúna með í Byko og gleði sína aftur.
Megi haustið bjóða ykkur upp á góðar verslunarferðir og lítið af veirusýkingum.
-Inga Dagný Eydal
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
