Fyrirspurn til Ásthildar Sturludóttur, bæjarstýru
Heil og sæl Ásthildur. Ég er einn af þeim útsvarsgreiðendum á Akureyri sem fylgst hafa nokkuð náið með málefnum Öldrunarheimila Akureyrarbæjar, og reyndar öldrunarmálum almennt, undanfarin misseri.
Undanfarin ár hafa bæjarfulltrúar og bæjarstjórar Akureyrarbæjar kvartað sáran undan snautlegri meðgjöf ríkissjóðs til Öldrunarheimila Akureyrarbæjar. Rekstur öldrunarheimila hefur reyndar verið í járnum víða um land, eins og komið hefur fram í fjölmiðlum undanfarin misseri. Það virðist því augljóst að einhvers staðar sé rangt gefið.
Ég á þó erfitt með að henda reiður á fjárhagslegu umfangi vandans, þ.e. sem snýr að hlut bæjarins, og langar að fá nánari upplýsingar um raunveruleg útgjöld bæjarsjóðs - og tekjur vegna ÖA.
Lausleg könnun mín - byggð á þeim gögnum sem fundust í fljótu bragði - leiðir í ljós eftirfarandi útgjöld og tekjur á fjögurra ára tímabil:
|
Ár |
Framlag Akureyrarbæjar |
Húsaleiga |
Lausafjárleiga |
Þjónusta, t.d. launavinnsla |
|
2019 |
352.000.000 |
-225.000.000 |
-7.000.000 |
-13.000.000 |
|
2018 |
209.000.000 |
-221.000.000 |
-6.000.000 |
-12.500.000 |
|
2017 |
341.000.000 |
-216.000.000 |
-6.000.000 |
-12.000.000 |
|
2016 |
443.000.000 |
-215.000.000 |
-9.600.000 |
-10.000.000* |
|
Samtals |
1.345.000.000 |
-877.000.000 |
-28.600.000 |
-47.500.000 |
*Áætluð upphæð
Af þessu má sjá að á umræddu tímabili var framlag bæjarins til ÖA rúmlega 1,3 milljarðar. Af þessari upphæð renna rúmlega 953 milljónir til baka í bæjarsjóð í formi húsaleigu, lausafjárleigu og þjónustukaupa. Eftir standa þá 468 milljónir (tæplega tíu milljónir á mánuði) sem sannanlega hafa orðið eftir í rekstri ÖA.
Ég velti því fyrir mér hver raunverulegur kostnaður Akureyrarbæjar hafi verið á umræddu tímabili og spyr því:
- Sat „eitthvað eftir“ hjá bæjarsjóði af þeim 953 milljónum sem bærinn greiddi sjálfum sér (aðallega í húsaleigu), eða fóru allar þessar milljónir í útlagðan kostnað?
- Er það rétt að Akureyrarbær sé einungis eitt af tveimur sveitarfélögum á Íslandi sem greitt hefur sjálfu sér húsaleigu vegna öldrunarheimila? Hvers vegna?
- Hver mun greiða þann húsnæðiskostnað, t.d. vegna viðhalds, sem til fellur ef það er rétt að nýr rekstraraðili öldrunarheimilanna, Heilsuvernd, þurfi ekki að greiða húsaleigu til bæjarsjóðs?
- Mun bæjarsjóður yfirleitt þurfa að greiða eitthvað, í hvaða formi svo sem er, vegna öldrunarheimila bæjarins fyrst einkaaðili hefur yfirtekið reksturinn?
Ég vona að þú bregðist snöfurmannlega við þessum spurningum mínum og upplýsir mig og aðra bæjarbúa um raunverulegan kostnað bæjarsjóðs vegna öldrunarheimila bæjarins, fyrr og nú.
-Höfundur er ringlaður útsvarsgreiðandi og oddviti Pírata í Norðausturkjördæmi fyrir Alþingiskosningar 25. september næstkomandi.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
