Forgangur lausagöngu katta á Akureyri
Á heimasíðu bæjarins má finna skjal sem nefnist “Umhverfis- og samgöngustefna Akureyrarbæjar. Þar er m.a. þetta í texta á fyrstu síðu: Stefna Akureyrarbæjar er að sveitarfélagið verði áfram í fremstu röð þegar kemur að umhverfismálum.
Síðan áfram, Úr lið 1.4.: Unnið verður að því að bæta græn svæði í bæjarlandinu í þágu íbúanna og áhersla lögð á verndun náttúru og lífríkis í þeim náttúruperlum sem finna má í bænum. (Undirstrikun mín) Síðasta tilvitnunin er svo úr kafla um aðgerðir: 2.4.2 Verndun lífríkis og jarðmyndana í bæjarlandinu. Markmið: Að vernda lífríki og jarðmyndanir í bæjarlandinu. Aðgerðir: Gerð verður áætlun um tilhögun verndunar á náttúrulegu lífríki og jarðmyndum í bæjarlandinu, t.d. á ísaldarklöppunum í Kotárborgum og víðar. Ábyrgð: Umhverfis og mannvirkjasvið / Skipulagssvið Verklok: 2020. Að sjálfsögðu er margt fleira í skjalinu, það er rúmlega 10 síður og fjallar um margt sem ætlunin er að bæta og hlúa að.
Atriðin sem ég pikkaði út í hér að framan valdi ég vegna þess sem mér finnst vera slæmt ósamræmi milli orða í stefnu og hins vegar aðgerða í raun hjá yfirvöldum sveitarfélagsins. Náttúruverndin hjá bæjaryfirvöldum nær einfaldlega ekki til fuglalífsins á Akureyri utan Grímseyjar og Hríseyjar nema að takmörkuðu leyti. Þegar Eyjarnar sameinuðust sveitarfélaginu fylgdu með reglurnar sem giltu fyrir í eyjunum sem leyfðu EKKI lausagöngu katta þar. Ég hef ekki frétt af neinum vandræðum með þær reglur hjá eyjabúunum. Grímseyingar ákváðu einfaldlega að kettir ættu ekki heima í eyjunni vegna fuglalífsins þar og Hríseyingar settu það ákvæði að kettir mættu ekki ganga lausir utanhúss af sömu ástæðu. Inná Akureyri eru yfirvöld með engar hömlur í raun gegn fuglaveiðum heimiliskatta. Mér vitanlega er tilmælum sem nefna þessi atriði í reglum sveitarfélagsins um kattahald ekkert fylgt eftir.
Til hvers er lausaganga katta leyfð?
Varla getur það verið vegna sóttvarnasjónarmiða, það getur tæpast talið hollt að kettirnir séu að bera inná heimilin hræ af fuglum og spendýrum eða það sem þeir geta fengið á sig eða í úr misþrifalegum aðstæðum sem kisurnar komast í á ferðum sínum utanhúss.
Nágrannafriður? Athuga hvenær einhver missir þolinmæðina vegna katta sem skíta og krafsa á annara lóðum eða fara óboðnir inná önnur heimili en þeirra eigin.
Ég get heldur ekki séð að það samræmist velferð gæludýra að sleppa þeim á umferðargötur eða jafnvel algeran útigang. Það er drjúgt mikið af lirfum sem þarf til að koma einum unga á legg. Er ætlunin að friða pöddur og skordýr í görðum með því að hrekja fuglana í burtu?
“Jafnræðisregla stjórnsýslu”? Ég sat kynningu um reglur í opinberri stjórnsýslu sem bæjarlögmaður var með fyrir kjörna fulltrúa í upphafi kjörtímabilsins. Jafnræðisreglan og meðalhófið voru kynnt þar sem mikilvæg atriði og í því ljósi finnst mér ankannalegt að engin önnur gæludýr eða húsdýr mega ganga laus utan girðinga innan þéttbýlis í lögsagnarumdæmi Akureyrar, nema kettir.
Eða er hugmyndin sú að náttúrulegt fuglalíf skuli ekki þrífast á Akureyri? Burt með alla fuglsunga úr görðum, af grænum svæðum, frá andapollinn og drottningarbrautartjörninni þar sem ég hef séð heimiliskött úr nágrenninu taka andarungana sem álpuðust uppá tjarnarbakkann til að tína uppí sig æti af flötunum kringum tjörnina.
Svar óskast.
-Ólafur Kjartansson. Höf. er varamaður áheyrnarfulltrúa VG í umhverfis og framkvæmdaráði.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
