20. nóvember - 27. nóvember - Tbl 47
Enn um Íslandsþara
Hlífar Karlsson
Hlífar Karlsson skrifar
Nú eru blessuð jólin gengin hjá og nýja árið heilsar með umhleypingum. En daginn er tekið að lengja á ný og við getum snúið okkur að okkar daglega brauði. Á íbúafundi sem hér var þann 17. nóvember s.l. voru kynnt stórbrotin áform Íslandsþara ehf. um líftækniverksmiðju sem reisa á á Húsavík. Þá voru lagðar fram tölulegar upplýsingar um mannaflsþörf á sjó og landi ásamt mjög snyrtilegu flæðiriti af verksmiðjunni sjálfri. Þetta var okkur sagt að yrði sett á alnetið og þar gætum við skoðað þetta að vild. Ennþá hefur engum tekist að finna þessa kynningu á alnetinu en vafalaust er hún þarna einhversstaðar úti í kosmosinu.
Gallinn við þetta er þó sá að flæðiritið fallega sem þarna var kynnt vitum við því ekki hvort var af klórverksmiðju í Kína eða gosverksmiðju í Gana.
Á íbúafundinum óskaði ég eftir upplýsingum um fyrirtækið Íslandsþara m.a. hverjir stæðu á bak við það og birtur yrði listi yfir hluthafa og/eða fjárfesta. Ekki var hægt að verða við þeirri ósk af mjög undarlegum ástæðum. Ég vona þó að sveitastjórn hafi þessar upplýsingar og hún viti hverjir samstarfsaðilarnir eru.
Ég reyndi þó að komast eins nálægt þessum upplýsingum og leitaði í fyrirtækjaskrá að svo miklu leyti sem hún er opin an þess að vera áskrifandi og fann þetta.
|
Íslandsþari ehf. Kt.440693-2889 póstfang Hvannavellir 16, 600 Akureyri símanúmer 1819.is |
||||||||
|
Ísat |
Ísat flokkur |
forsvarsmaður |
Skráð |
|||||
|
10 |
Matvælafrmamleiðsla |
Hreinn Þór Hauksson |
23.06 1993 |
|||||
|
Fjárhagsupplýsingar |
2018 |
2019 |
2020 |
2021 |
||||
|
Gjaldmiðill |
Í ISK |
Í ÍSK |
Í ÍSK |
Í ÍSK |
||||
|
Rekstrarreikningur |
||||||||
|
Rekstrartekjur |
0 |
0 |
0 |
0 |
||||
|
Afkoma |
-17.100 |
-17.500 |
-17.900 |
-853.841 |
||||
|
Efnahagsreikningur |
||||||||
|
Eignir |
10 |
10 |
10 |
500.868 |
||||
Eins og sést er félagið tekjulaust s.l. 4 ár og ekki eru peningalegar eignir mjög íþyngjandi þó takist hafi að halda í þessar 10 kr. Reksturinn hefur greinilega farið úr böndunum 2021 og heilar 853 þús. Kr. Þá hefur þótt við hæfi að bæta aðeins í eignahliðina.
Íslandsþari ehf. er semsagt skúffufyrirtæki vistað á Hvannavöllum16, á Akureyri. Það eru því væntanlega hæg heimatökin fyrir sveitarstjórn Norðurþings í komandi viðræðum við stjórn Íslandsþara ehf. að óska eftir flutningi fyrirtækisins á lögheimili í Norðurþingi þetta er jú bara eitt A4 blað í passandi umslagi.
Mbk, Hlífar Karlsson.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
