Eldri borgarar á Akureyri
Allir einstaklingar sem eru 67 ára og eldri flokkast sem eldri borgarar. Sumir eru enn á vinnumarkaði, aðrir hafa hætt störfum af fúsum og frjálsum vilja og svo eru þeir sem hafa þurft að hætta störfum vegna óhagstæðrar kennitölu. Sumir eru við góða heilsu á meðan aðrir þurfa að líða heilsubrest. Fjárhagsleg afkoma er mjög misjöfn og svona má lengi telja.
Þessi hópur er því ansi fjölbreyttur og engin leið að alhæfa hvorki eitt né annað hvað hann varðar. Því er mjög líklegt að þegar spurt er hver séu brýnustu þjónustuverkefni Akureyrarbæjar verði svörin næstum því jafn mörg og fjöldi aðspurðra. Ekki er til neinn upplýsingabanki um málefni hópsins. Öflun upplýsinga vegna svokallaðs Rafræns mælaborðs um líðan og velferð aldraðra er í gangi og er tilgangur þess að varpa nokkru ljósi á þarfirnir. Verkefnið er á vegum Akureyrarbæjar og Félagsmálaráðuneytisins.
Oft hefur verið kvartað undan löngum boðleiðum innan bæjarkerfisins, fólki er of oft vísað á næsta mann þegar það spyr um ákveðna þjónustu. Sameining búsetu- og fjölskyldusviðs í eitt velferðarsvið um síðustu áramót á að leiða til einföldunar, en hvernig til tekst getur reynslan ein leitt í ljós. Aukið íbúasamráð á einnig að hjálpa til í þessu efni.
Eldri borgurum kemur til að fjölga mikið á næstu árum, hlutfallslega meira en þeim sem yngri eru. Við því er nauðsynlegt að bregðast. Það er yfirlýst markmið að allir geti verið sem lengst heima. Til að svo geti orðið þurfa margir að leggjast á árarnar. Félag eldri borgara á Akureyri (EBAK) vill leggja sitt af mörkum með því að vinna með Akureyrarbæ að góðri og uppbyggilegri samveru og öflugu tómstundastarfi. Of lítið húsnæði hamlar þróun þeirrar starfsemi. Bein leið með strætisvagni eða á annan máta á milli félagsmiðstöðvanna í Víðilundi og í Bugðusíðu er mikið atriði. Verið er að hanna nýtt leiðakerfi vagnanna og verður fróðlegt að sjá hve mikið tillit verður tekið til athugasemda EBAK og notendaráðs félagsmiðstöðvanna, sem voru studdar af öldungaráði bæjarins.
Til að unnt sé að bregðast við fjölguninni þarf að gera áætlun um hvernig á að bregðast við henni á næstu árum. EBAK og öldungaráð Akureyrarbæjar hafa þrýst á að gerð verði aðgerðaáætlun í málefnum eldri borgara á Akureyri. Fyrir því liggja ýmsar ástæður. Það hafa ekki allir eldri borgarar kunnáttu á tölvur, en ljóst er að heimaþjónusta kemur til með að byggjast mikið á tölvum og ýmiss konar velferðartækni frekar en á fjölgun starfsfólks.
Aðalmálið fyrir aldurshópinn er heilsuefling. Það má kosta miklu til að seinka dvöl einstaklinga á hjúkrunarheimilum. Öllum er nauðsynlegt að hreyfa sig. Aldur og geta skiptir ekki máli, því öll hreyfing og hæfileg áreynsla er af hinu góða. Mörg sveitarfélög styðja myndarlega við heilsueflingu eldri borgara. Akureyrarbær er að leita leiða til að feta í fótspor þeirra við að aðstoða þá sem mest þurfa á hreyfingu að halda. Það er engin spurning um að hún er öflugasta og ódýrasta forvörnin þegar upp er staðið.
-Hallgrímur Gíslason, formaður Félags eldri borgara á Akureyri.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
