20. nóvember - 27. nóvember - Tbl 47
Ég er jafnaðarmaður
Benóný Valur Jakobsson, oddviti S-lista í Norðurþingi
Benóný Valur Jakobsson skrifar
Mig langar með nokkrum orðum að útskýra hvað það þýðir í mínum huga þegar ég segi: „Ég er jafnaðarmaður“ og þá aðeins hvað það þýðir í mínum huga. Ég ætla ekki að leggja öðrum hugsun eða orð í munn.
Mér var sögð saga af langafa mínum sem efalaust hefur eitthvað verið færð í stílinn en meitlar samt í mínum huga inn kjarna jafnaðarhugsjónarinnar, saga sem mótaði mig sem ungan mann og hefur enn sterk ítök í mínu lífi.
Sagan er einhvern veginn á þessa leið:
Langafi minn bjó ásamt langömmu og fimm börnum í lítilli íbúð, þau voru svo heppinn að eiga kú sem þau höfðu í kjallaranum. Á hverjum morgni var kúin mjólkuð og börnin á heimilinu fengu eitt glas af mjólk hvert, síðan afgangurinn af mjólkinni tekinn og honum dreift til nágrannabarna sem ekki voru jafn heppin og þeirra börn. Aðspurður hversvegna hann gerði þetta var svarið einfalt. „Okkur ber skylda til þess að aðstoða þá sem ekki vegnar jafnvel í lífinu”.
Grunnstoð jafnaðarhugsjónarinnar
Okkur ber skylda til þess að aðstoða þá sem ekki vegnar jafn vel í lífinu er einfaldlega í mínum huga grunnstoð jafnaðarhugsjónarinnar. Þegar þín börn og þitt fólk hafa fengið nóg þá ber þér skylda til að láta þá sem ekki búa við sömu lífsgæði hafa brot af því sem þú átt eftir.
Jöfn tækifæri
Í mínum huga á þetta sérstaklega við um börn. Okkur ber skylda til þess sem samfélag að sjá til þess að öll börn hafi jafnan rétt til menntunar og heilbrigðisþjónustu sama hver staða foreldra, forráðamanna og aðstandenda er. Okkur ber skylda til þess að öll börn á Íslandi hafi skilyrðislaust jafnan rétt á því að verða hvað og hver sem viðkomandi langar til. Jöfn tækifæri eru einnig órjúfanlegur partur jafnaðarhugsjónarinnar.
Okkur ber líka skylda til þess sem samfélag að grípa þá sem af einhverjum ástæðum geta ekki séð sér og sínum farborða og gera öllu fólki kleift að lifa mannsæmandi lífi með þeirri reisn sem við teljum sjálf vera grundvallarmannréttindi.
Í stuttu máli sagt þá ber okkur sem erum svo heppinn að eiga afgangs mjólk, skylda til að láta aðra sem ekki eru jafn heppnir fá af okkar til þess að allir eigi jöfn tækifæri til þess að þroskast og dafna á sínum forsendum. Þess vegna er ég jafnaðarmaður.
Höfundur er oddviti S lista í Norðurþingi
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
