20. nóvember - 27. nóvember - Tbl 47
Byggðavegi breytt í bílastæðagötu!
"Hvað gerist nú þegar drjúgur hluti þessa bílastæðis við Icelandair hótelið hverfur samtímis því að Akureyringar munu leita þangað sem aldrei fyrr? Að þessu sinni sér til lækninga. Jú, Byggðavegur suður af mun breytast í bílastæðagötu."
„Það er nú svo lítið notað,“ var sagt við mig á dögunum og ég varð orðlaus. Oddvitar bæjarins eru greinilega sömu skoðunar. Ný heilsugæslustöð skal reist á vestari hluta bílastæðisins við tjaldsvæðið á brekkunni sem gerir ekkert til því að bílastæðið þarna er svo lítið notað – að sögn. Þeir menn sem tala í þessum dúr geta ekki einu sinni skýlt sér á bak við ferðahömlur kóvíd. Að þeir séu búnir að gleyma hvernig þetta var á meðan allt lék í lyndi og menn voru frjálsir ferða sinna.
Snemma í vor – já, ég er að tala um vorið 2021 – gekk ég ítrekað um þetta bílastæði snemma morguns sem var þá svo troðið bílum að þeir flæddu upp á grasbletti í kring. Akureyri lokkar og laðar, við skulum ekki gleyma því. Hvað gerist nú þegar drjúgur hluti þessa bílastæðis við Icelandair hótelið hverfur samtímis því að Akureyringar munu leita þangað sem aldrei fyrr? Að þessu sinni sér til lækninga. Jú, Byggðavegur suður af mun breytast í bílastæðagötu. Og ef til vill einnig íbúðagötur í hinu þéttbyggða (og væntanlega háreista, hvað sem líður núverandi skipulagshugmyndum) tjaldbúðahverfi sem senn rís. Hver veit?
Hér er tvennt sem plagar og villir ráðamönnum sýn. Annað er hugsjónin um þéttingu byggðar sem er fyrir löngu komin út í hreinar öfgar. Væntanlega hefur þótt með öllu ótækt að taka af sjálfu tjaldsvæðinu undir heilsugæsluna sem hefði þá komið niður á íbúðafjölda. Hitt (og ekki með öllu ótengt) er að því miður virðast ráðamenn okkar líta bílastæði bæjarins svipuðum augum og borgarstjóri Reykjavíkur flugvöllinn í Vatnsmýri.
-Jón Hjaltason
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
