Betri frístund, aukin tengsl
Hanna Jóna Stefánsdóttir skrifar
Kæru íbúar. Senn líður að sveitastjórnarkosningum, sem hefur þó líklega ekki farið framhjá mörgum undanfarið. Það er vor í lofti, ákveðin spenna og ég tel að það sé ástæða til bjartsýni (það er það nú að vísu alltaf).
Eftir að hafa búið í rúm tíu ár í burtu frá Húsavík var afskaplega gott að flytja aftur heim fyrir tæpum þremur árum og búa sér heimili í okkar fallega bæ. Hér kjósum við að eiga heima og einhver er nú ástæðan fyrir því. Hér eigum við gott, öflugt og þegar á reynir samheldið samfélag. Í sveitarfélaginu eru gríðarlega góð atvinnutækifæri á fjölbreyttum grunni, þ.e. allir ættu að geta fundið sér eitthvað við hæfi.
Kannski er það ekki meira en vanalega en ég tek eftir því að fólk á mínum aldri (milli 30/40 ára) hefur í auknum mæli kosið að flytjast aftur á heimaslóðir eftir að hafa farið burtu, ýmist menntað sig, kannað heiminn, fundið sér maka og jafnvel eignast börn og ákveður loks að flytja aftur heim til að ala hér upp börnin sín. Það er svo frábært! Margt gerir Norðurþing vel, líkt og að taka inn til aðlögunar á leikskólann börn við eins árs aldur, sem er til mikillar fyrirmyndar og hefur sannarlega aðdráttarafl fyrir ungt fólk að setjast hér að.
En betur má ef duga skal!
Eins og mörgum er kunnugt um er aðstaða frístundar hér á Húsavík til skammar, og allflestir sammála um það. Það er virkilega brýnt að farið verði í það strax á nýju kjörtímabili að finna viðunandi niðurstöðu og hefja framkvæmdir á nýju frístundarhúsnæði fyrir börn og ekki síður starfsmenn frístundar.
Eins er mikilvægt að við hugum einnig að eldri börnum og unglingum sveitarfélagsins líkt og þeim sem stunda nám við Framhaldsskólann okkar. Við hljótum öll að geta sammælst um mikilvægi þess að börnin okkar hafi viðunandi aðstöðu til að stunda félagsstarf.
Svo er ekki í dag og því þarf að breyta! Ég tel að strax þurfi að bregðast við í þessum málaflokki að loknum kosningum sem stuðlar að því að sú kynslóð sem nú er á „félagsmiðstöðva-aldri“ kjósi að flytjast aftur heim eftir að hafi farið í burtu að mennta sig. Hvað á ég við með því? Jú, þegar ég var á þessum aldri þá höfðum við aðstöðu (sem í þá daga þótti viðundandi) til að rækta félagsleg tengsl okkar á milli, í Keldunni og eins í Túni, sem gerði það að verkum að hér var gaman, félagslífið var virkt og aðstaða var til staðar. Því var það aldrei vafamál hvar mig langaði að búa þegar ég yrði fullorðin.
Eins tel ég gríðarlega mikilvægt að styrkja, já eða hreinlega hefja tengsl á milli barnanna í grunnskólum sveitarfélagsins, bæði með því að fá börnin í Lundi og á Raufarhöfn hingað til Húsavíkur og eins að börn á Húsavík fari austur.
Að lokum kæru kjósendur, kynnið ykkur málefnin og stefnur flokkanna sem eru í framboði. Takið svo í framhaldi upplýsta ákvörðun og mætið á kjörstað.
Hanna Jóna Stefánsdóttir
Skipar 6. sæti á lista Framsóknarflokks og félagshyggju.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
