Besta loftslagsstefnan uppfærð
Um fátt hefur verið jafn mikið rætt undanfarna viku og skýrslu loftslagsnefndar SÞ, sem sýnir nauðsyn þess að grípa til aðgerða - og það strax. Píratar hafa um árabil haft metnaðarfulla stefnu í loftslagsmálum, svo eftir hefur verið tekið. Þannig voru Píratar einfaldlega taldir með bestu loftslagsstefnuna fyrir síðustu kosningar. Hún hefur nýlega verið uppfærð eftir mikla vinna grasrótar og frambjóðenda undanfarna mánuði og má segja að hún svari ákalli ofangreindrar loftslagsskýrslu um aðgerðir.
Í umræddri stefnu segir m.a.:
Loftslagsmálin eru án efa eitt af stærstu viðfangsefnum samtímans. Við Píratar erum tilbúin í þær aðgerðir sem þarf að ráðast í til að byggja upp græna og sjálfbæra framtíð. Á sama tíma vitum við að fram undan eru óumflýjanlegar umbreytingar á veröld okkar sem Íslendingar, eins og heimsbyggðin öll, þurfa að búa sig undir. Við sjáum fyrir okkur samfélag og lífríki sem blómstrar þrátt fyrir þau risavöxnu verkefni sem glíma þarf við.
Kolefnishlutleysi er lykilþáttur í að leiðrétta loftslagsógnina. Við viljum ná því með því að byggja upp græna og sjálfbæra framtíð, sem krefst opinberra fjárfestinga með tilheyrandi tækifærum til nýsköpunar og atvinnuþróunar. Við viljum búa til skattalega hvata fyrir atvinnulífið til að grænvæðast, styrkja græna sprota, koma í veg fyrir stuðning við mengandi stóriðju, auka fæðuöryggi með því að efla íslenska matvælaframleiðslu, styðja við deilihagkerfið, meta allar aðgerðir ríkisins og útgjöld þess út frá umhverfis- og loftslagsmálum, svo fátt eitt sé nefnt.
Núverandi stjórnvöld hafa lýst yfir vilja sínum til að draga úr losun gróðurhúsalofttegunda um 55% til ársins 2030. Það er verðugt markmið, en þó er ekki ljóst hvort hugur fylgi máli. Svo mikið er víst að tillaga Andrésar Inga Jónssonar, þingmanns Pírata, um lögfestingu slíks markmiðs var felld með atkvæðum stjórnarmeirihlutans og með dyggri aðstoð Miðflokksins þann 12. júní sl. Þarna fór því ekki saman hljóð og mynd, eins og stundum áður. Það þarf svo sem ekki að koma á óvart, enda liggur það fyrir að núgildandi aðgerðaáætlun stjórnvalda í loftslagsmálum gerir einungis ráð fyrir 40% samdrætti til 2030.
Baráttan gegn hlýnun loftslags er ekki bara langhlaup, eins og stundum hefur verið sagt. Það ríkir neyðarástand - núna. Við þurfum að bregðast við því - núna. Það þýðir þó ekki að því fylgi endalausar fórnir og volæði, þvert á móti eru tækifærin í grænum lausnum óendanleg. Íslendingar eru í kjörstöðu til að taka forystu á þessu sviði, sem mun varða leiðina í atvinnu- og verðmætasköpun næstu áratugina. Ég mun ekki láta mitt eftir liggja, fái ég til þess brautargengi í komandi Alþingiskosningum.
Höfundur er oddviti Pírata í Norðausturkjördæmi.
Nýjast
-
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag.
