20. nóvember - 27. nóvember - Tbl 47
Amma þín hvað
Ragnar Sverrisson.
Í greinargerð sem bæjarstjórn Akureyrar hefur lagt fram með breytingartillögum á gildandi skipulagi miðbæjarins er varpað fram nokkrum spurningum og þeim svarað jafnharðan. Ein spurningin er á þessa leið: "Af hverju er ekki byggt í samræmi við gildandi deiliskipulag?" Forvitinn um svarið varð ég heldur opinmynntur þegar ég fletti því upp og las eftirfarandi: "Forsenda uppbyggingar í samræmi við gildandi deiliskipulag er að fyrst verði farið í framkvæmdir við að breyta legu Glerárgötu. Ekki hefur náðst samkomulag um að fara í þær framkvæmdir og þess vegna var ákveðið að skoða hvort finna mætti aðra lausn á málinu til að koma uppbyggingu af stað." Þetta er auðvitað ekkert svar við spurningunni hvers vegna ekki er byggt í samræmi við gildandi skipulag - einasta greint frá því að ekki hafi náðst samkomulag um að fara í hluta framkvæmdanna. Ekkert fjallað í svarinu við hvern eða hverja náðist ekki samkomulag eða um hvað var deilt; voru það vistfræðilegar, skipulags-, fjárhags- eða fagurfræðilegar ástæður eða ef til vill vegna sérhagsmuna? Ekkert um það að finna í "svarinu" - ekki neitt.
Það þarf töluverða ósvífni og drýldni til að svara sjálfum sér með þessum hætti út í hött. Segja aðeins að ekki hafi náðst samkomulag í bæjarstjórn um að færa götuna til um nokkra metra enda þótt full samstaða hafi verið um það í bæjarstjórn árið 2014. Þetta er enn merkilegra fyrir þá sök að engin ósk hefur komið frá bæjarbúum um að hverfa frá gildandi skipulagi að þessu leyti - ekki ein einasta svo vitað sé.
Þessi dæmalausa framsetning og virðingarleysi við bæjarbúa minnir mig á þegar við strákarnir á Eyrinni í gamla daga vorum að bulla einhverja vitleysu okkar á milli og komust svo stundum í vandræði og vissum ekkert hvað við áttum að segja. Frekar en standa á gati og þegja sögðum við þá gjarnan: "Amma þín hvað." Þar með var bullinu lokið í það sinn.
Á sama hátt gerir bæjarstjórn enga tilraun til að færa vitræn rök fyrir þeirri afdrífríku breytingu á skipulaginu að byggja Glerárgötuna norðan Kaupvangsstrætis upp með öðrum hætti en gildandi skipulag gerir ráð fyrir. Bara látið nægja að snúa út úr - jafnvel út úr eigin spurningum sem eitt og sér hlýtur að teljast töluvert afrek! En það gera auðvitað bara snillingar; þeir þurfa ekki að eyða tímanum í að tala við bæjarbúa, sem þeir þiggja umboð sitt frá, heldur láta sér nægja að hjala góðlátlega sín á milli. Enginn utan Ráðhússins veit í hverju meintur ágreiningur innan bæjarstjórnar felst um ofangreint lykilatriði málsins. Engin rök tilgreind með eða á móti breytingunum og ekkert hver eða hverjir vilja knýja þær fram; aðeins dularfullar véfréttir um ágreining og síðan þrúgandi þögn þegar kemur að efnisatriðum enda enginn bæjarfulltrúi tjáð sig um þau opinberlega frekar en innvígðir frímúrarar um það sem fram fer innan þeirra veggja. Aðeins heyrist þetta eitt frá bergmálslausum múrum Ráðhússins: "Ekki hefur náðst samkomulag." Amma þín hvað.
-Ragnar Sverrisson, kaupmaður
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
