Allt að gerast!
Þórhallur Jónsson skrifar
Akureyri er í stórkostlegu sóknarfæri, nú hafa framsæknir aðilar stofnað flugfélag á Akureyri sem hyggur á reglubundið millilandaflug um Akureyrarflugvöll en með því myndast svo sannarlega önnur gátt inn í landið. Bygging nýrrar flugstöðvarbyggingar er að hefjast og stækkun á flughlaðinu er í vinnslu. Við Akureyringar þurfum að vera tilbúin að taka við ferðamönnum sem hingað koma því þetta reglulega millilandaflug skapar ekki bara tækifæri fyrir okkur að ferðast til útlanda heldur koma þessi flug til með að færa okkur fleiri ferðamenn hingað inn á svæðið. Ferðamannaiðnaðurinn að loknum heimsfaraldri er okkar stærsta sóknarfæri á þessu svæði. Við þurfum að styrkja innviði og tel ég rétt að opna aftur upplýsingamiðstöð ferðamála í Hofi. Með því sýnum við að okkur er full alvara að byggja hér upp öflugan ferðamannaiðnað sem kemur til með að skapa gríðarleg tækifæri og verðmæti á svæðinu. Skógarböðin í Eyjafjarðarsveit eru annað glæsilegt verkefni sem metnaðarfullir frumkvöðlar komu á koppinn með því að leiða saman þrjú sveitarfélög í Eyjafirði ásamt Norðurorku og Vegagerðinni sem hefur komið veglega að stígagerð á svæðinu ásamt sveitarfélögum. Böðin opna á vordögum og munu auka aðdráttarafl svæðisins, öllum til hagsbóta. Með svona uppbyggingu er líklegra að gestir dvelji fleiri nætur á Akureyri. Rekstraraðilar hótela hljóta að vera að horfa til bæjarins með tilkomu nýs millilandaflugfélags og sjá tækifæri í frekari hótel uppbyggingu á Akureyri.
Eyjarnar okkar Hrísey og Grímsey eru náttúruperlur sem varla eiga sér hliðstæðu og við getum gert betur í að byggja upp og styðja við ferðaþjónustu á eyjunum til að skapa lífsviðurværi fyrir íbúa þeirra um ókomna tíð. Þetta eru bara nokkur af mörgum tækifærum í uppbyggingu sem hægt er að stuðla að á svæðinu.
Hlíðarfjall
Það þarf að móta framtíðarsýn fyrir uppbyggingu þessarar perlu sem Hlíðarfjall er. Fjallið er einn aðal segullinn inn á þetta svæði yfir vormánuðina og margfeldisáhrifin eru gríðarleg fyrir gististaði, veitingastaði og verslanir. Lengja þarf opnunartímann í takt við óskir notenda og bæta aðstöðuna til að geta tekið við enn fleiri gestum með góðu móti. Á sumrin er svæðið í Hlíðarfjalli hjóla- og gönguparadís og við þurfum að sinna stígagerð, gróðursetningu og frekari uppbyggingu betur í samvinnu við hagsmunaaðila því við getum gert mikið betur.
Verslun og þjónusta
Á Akureyri eflist verslun og þjónusta með hverju árinu og nú fjölgar bæjarbúum hratt. Við þurfum að hreyfa okkur í takt við þessa þróun og hraða skipulagsvinnu og uppbyggingu til að nýta tækifærin vel og skapa umgjörð til að einstaklingurinn og einkaframtakið fái að blómstra til hagsældar fyrir okkur öll. Ég er tilbúin að vinna að þessum málum ásamt mörgu öðru nái ég kjöri oddvita Sjálfstæðisflokksins á Akureyri í prófkjörinu þann 26. mars í Brekkuskóla. Kynntu þér áherslumálin mín á heimasíðunni minni www.alltadgerast.is
Höfundur er bæjarfulltrúi og býður sig fram í 1. sæti í prófkjöri Sjálfstæðisflokksins
á Akureyri sem fram fer í Brekkuskóla 26. mars nk.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
