20. nóvember - 27. nóvember - Tbl 47
Allar manneskjur eru dýrmætar
Sr. Sólveig Halla Kristjánsdóttir, sóknarprestur á Húsavík
Þann 25. nóvember 2020, á alþjóðlegum baráttudegi Sameinuðu þjóðanna gegn kynbundnu ofbeldi hófst átakið ,,Roðagyllum heiminn” og því lýkur þann 10. desember en sá dagur er tileinkaður alþjóðlegum mannréttindum og er jafnframt alþjóðadagur Soroptimista. Átaksverkefnið lýtur að því að vekja athygli á kynbundnu ofbeldi gegn konum víðsvegar um heiminn.
Það er virkilega þakkarvert að Alþjóðasamband Soroptimista hefur í áratugi barist gegn kynbundnu ofbeldi.
Við erum svo lánsöm hér á svæðinu að Soroptimistakonur á Húsavík eru virkar í því verkefni og hafa staðið fyrir viðburðum til að vekja okkur öll til vitundar og hvetja okkur til að taka afstöðu gegn ofbeldi, bæði í orðræðu okkar dagsdaglega og í samskiptum. Kynbundið ofbeldi, ofbeldi almennt, felur í sér niðurbrot og sundrung á allan hátt; í samskiptum og á tengslum og niðurbrot og sundrung í sál manneskju. Við mótmælum því, við neitum að gefast upp í baráttunni við að útrýma því en hjálpumst að við að skapa veröld þar sem ofbeldi er stöðvað og komið í veg fyrir það. Niðurbroti og sundrung mætum við með því að vera meðvituð um aðstæður, vakandi yfir aðstæðum og kjörum annarra og brýnum okkur sjálf, börnin okkar og samferðarfólk í samtölum okkar og samskiptum til að láta okkur alltaf varða málefnið og standa ekki á sama. Sýnum hvert öðru virðingu og umhyggju og ölum börnin okkar upp við þau sömu gildi, eins og hugrekki, mannvirðingu, vinsemd og samstöðu.
Séra Sólveig Halla Kristjánsdóttir
Í augum Guðs
ert þú ekki mistök.
Ekki einhver fánýtur,
lítilsverður einstaklingur.
Ekki eins og hvert annað óhapp,
misheppnaður aðskotahlutur eða slys.
Heldur ljóð
sem hann hefur ort.
Ástarljóð
ort af Guði,
sem ætlað er
að bera birtu og yl
inn í aðstæður fólks.
Stattu því vörð um sjálfan þig
og lífið sem í þér býr.
Höf: Sigurbjörn Þorkelsson, úr bókinni Svalt.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
