Vikudagur kemur út í dag
Í Vikudegi sem kemur út í dag er m.a. ítarlegt viðtal við Davíð Kristinsson sem hefur starfað sem einkaþjálfari í 20 ár og er sérmenntaður sem næringar- og lífsstílsþjálfari. Hann gaf út bókina „30 dagar, leið til betri lífstíls“ fyrir fjórum árum og vakti sú bók mikla athygli. Davíð rekur Heilsuþjálfun ehf. á Akureyri og er einnig einn eigandi Salatsjoppunnar. Davíð fann ástina fyrir norðan og fluttist hingað 21 árs gamall. Hann er óhræddur við að segja sínar skoðanir og er meðvitaður um að ekki séu allir sammála honum. Vikudagur heimsótti Davíð.
-Viljayfirlýsing um að koma upp Miðstöð fyrir þolendur ofbeldis á Norður-og Austurlandi hefur verið undirrituð og erindið sent til stjórnvalda. Farið er fram á að ríkið ábyrgist ákveðið fjármagn til rekstrarins. Um er að ræða samstarfsverkefni sex stofnana.
- Khattab al-Mohammad, sem fluttist til Akureyrar frá Sýrlandi sem flóttamaður ásamt fjölskyldu sinni í janúar 2016, lýsti yfir vonbrigðum með skólakerfið á Akureyri í Facebookfærslu nýverið. Í færslunni segir hann m.a. að börnin eigi erfitt uppdráttar í skólanum og það sé engin stefna fyrir sýrlensku börnin. Forstöðumaður upplýsinga- og þjónustudeildar Akureyrarbæjar segir búseta í nýju landi og aðlögun að nýjum siðum og menningu vera flókið viðfangsefni.
-Anna Hildur Guðmundsdóttir sér um Matarhorni vikunnar og býður upp uppskrift af smjörsteiktum þorskhnakka með salati.
-Pepsi-deild karla í knattspyrnu hefst um helgina en KA byrjar tímabilið á tveimur útileikjum. Vikudagur sló á þráðinn til Srdjan Tufegdzic, jafnan kallaður Túfa, þjálfara KA og spurði hann út í sumarið framundan
Þetta og meira til í Vikudegi í dag. Áskriftarsíminn er 460-0750 og 860 6751. Einnig er hægt senda póst á askrift@vikudagur.is.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
