20. nóvember - 27. nóvember - Tbl 47
Vikudagur kemur út í dag
Í Vikudegi sem kemur út í dag er m.a. ítarlegt viðtal við Björn Snæbjörnsson formann Einingar-Iðju stéttarfélags í Eyjafirði. Félagsmálin hafa fylgt Birni frá barnæsku og hann segist vera ágætlega brynjaður fyrir illu umtali sem gjarnan fylgir starfinu, en fjölskyldan geti þó tekið það nærri sér. Félagsstörfin hafa tekið mikinn tíma hjá Birni frá fjölskyldulífinu en til að kúpla sig út úr amstrinu segir hann fátt betra en ferðalög. Vikudagur heimsótti Björn og ræddi við hann um félagsmálin, fjölskylduna, daginn og veginn.
- Svifnökkvi sem þeysist um Pollinn á Akureyri er nýjung í ferðaþjónustu á svæðinu en það er Arinbjörn Kúld sem á heiðurinn af þessari viðbót. Arinbjörn flutti svifnökkvann inn í vor og hóf að bruna með farþega um Pollinn fyrir um tveimur vikum. Hann gerir út frá lítilli sandvík við Leiruveginn og bíður upp á tíu mínútna hring.
-Lára Stefánsdóttir skólameistari segir frá degi í sínu lífi og starfi og Kristján Kristjánsson fyrrum ritstjóri Vikudags er í nærmynd.
-Alls eru 164 á biðlista eftir félagslegri íbúð á Akureyri, þar af eru 92 að bíða eftir tveggja herbergja íbúðum og 35 eftir þriggja herbergja íbúðum. Samkvæmt upplýsingum Vikudags er bíðtími eftir tveggja herbergja íbúð ekki undir fjórum árum, en um tveggja ára bið er eftir þriggja herbergja íbúðum.
-Arnheiður Jóhannsdóttir framkvæmdastjóri Markaðsstofu Norðurlands segir að fyrirspurnir hafi komið frá erlendum flugfélögum varðandi samgöngur frá Akureyrarflugvelli. Lengi hefur verið unnið að því að koma á reglulegu beinu millilandaflugi um Akureyrarflugvöll og eru góðar samgöngur eitt því sem skiptir höfuðmáli.
Þetta og meira til í Vikudegi í dag. Áskriftarsíminn er 460-0750 og 860 6751. Einnig er hægt senda póst á askrift@vikudagur.is.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
