20. nóvember - 27. nóvember - Tbl 47
Vikudagur kemur út í dag
Vikudagur kemur út í dag, fimmtudaginn 11. apríl og að vanda kennir ýmissa grasa í blaði vikunnar. Meðal efnis í blaðinu:
-Í tengslum við markaðsátak í heilsársferðaþjónustu í Eyjafjarðarsveit varð til hugmynd um að búa til eitthvert risatákn fyrir sveitarfélagið sem einkenndi sveitina og allir þyrftu að koma og sjá. Ákveðið var að búa til risastóra mjólkurkú, þar sem mjólkurframleiðsla er blómleg í Eyjafjarðarsveit.
-Elma Eysteinsdóttir er íþróttamaður vikunnar að þessu sinni. Elma er margfaldur meistari í blaki og hefur unnið allt sem hægt er að vinna í blakíþróttinni með mörgum liðum, ásamt því að hafa orðið Íslandsmeistari í strandblaki. Undanfarið hefur hún lagt aukna áherslu á hlaup og fjallaskíðamennsku. Vikudagur spurði Elmu út í íþróttalífið.
-Hjónin Þorbergur Ingi Jónsson og Eva Birgisdóttir eru að fara af stað með göngu- og útivistarprógram á Akureyri og nágrenni þann 1. júní sem miðar að því að fá byrjendur til að hreyfa sig í náttúrunni. Vikudagur forvitnaðist um framtakið.
-Harpa Barkardóttir sér um Áskorendapennan og kemur með áhugaverðan pistil.
-Í Húsi vikunnar fjallar Arnór Bliki Hallmundsson um Hafnarstræti 53; Gamli Barnaskólann.
-Alla jafnan eru fermingar fyrirferðarmiklar á þessum tíma árs en vegna kórónuveirunnar verða fermingar ýmist í sumar eða haust í Akureyrarkirkju. Búið er að bóka þónokkrar fermingar í sumar.
-Fulltrúar Menningarfélags Akureyrar hafa sent erindi til bæjaryfirvalda þar sem óskað er eftir að Akureyrarbær styðji við upptökur á sinfónískri tónlist fyrir alþjóðlegan afþreyingariðnað. Óskað er eftir því að bærinn styrki verkefnið með 3 milljóna króna framlagi á árinu 2020.
-Jenný M. Henriksen, grafískur hönnuður í Ásprent, hefur umsjón með matarhorninu þessa vikuna og kemur hér með þrjár uppskriftir sem tilvalið er að prófa um hvítasunnuhelgina.
Þetta og meira til í Vikudegi í dag. Hægt er að gerast áskrifandi með því að smella hér. Áskriftarsíminn er 460-0750 og 860 6751. Einnig er hægt senda póst á askrift@vikudagur.is.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
