Vikudagur kemur út í dag
Vikudagur kemur út í dag, fimmtudaginn 9. janúar og að vanda kennir ýmissa grasa í þessu fyrsta blaði ársins 2020. Meðal efnis í blaðinu:
-Það er alltaf gott að staldra við um áramótin, líta inn á við og leggja línurnar fyrir komandi ár; vonir, væntingar og markmið. Vikudagur fékk nokkra valinkunna einstaklinga til að rýna í árið 2020 og hvers það væntir af nýja árinu.
-Björn Snæbjörnsson, formaður stéttarfélagsins Einingar-Iðju, gagnrýnir bæjaryfirvöld á Akureyri fyrir hækkun í fasteignaskatti umfram það sem Samband íslenskra sveitarfélaga hafði lagt til við sveitarfélög landsins í opnu bréfi til forseta bæjarstjórnar Akureyrar.
-Júlíus Freyr Theodórsson heldur um áskorendapennan og kemur með skemmtilegan pistil í blaðinu.
-Slökkvilið Akureyrar fær um mánaðarmótin næstu afhentan nýjan slökkvibíl sem er sérstaklega hannaður fyrir björgunar- og slökkvistarf í jarðgöngum. Reiknað er með að hægt verði að taka slökkvibílinn í notkun snemma í febrúar. Ólafur Stefánsson, slökkviliðsstjóri á Akureyri, segir í samtali við blaðið að beðið sé eftir bílnum með mikilli eftirvæntingu.
-Árleg Þrettándagleði Þórs var haldin á planinu við Hamar sl. helgi þar sem jólin voru kvödd að hefðbundnum sið með dansi og söng. Páll Jóhannesson var á staðnum og fangaði síðustu jólastemmninguna í bili.
-Ragnar Sverrisson skrifar grein um miðbæjarskipulagið á Akureyri.
Þetta og meira til í Vikudegi í dag. Hægt er að gerast áskrifandi með því að smella hér. Áskriftarsíminn er 460-0750 og 860 6751. Einnig er hægt senda póst á askrift@vikudagur.is.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
