20. nóvember - 27. nóvember - Tbl 47
Vikudagur kemur út í dag
Í Vikudegi sem kemur út í dag er m.a. ítarlegt viðtal tónlistarmanninn Rafn Sveinsson, eða Rabbi Sveins eins og hann er kallaður í daglegu tali. Hann hefur lifað og hrærst í tónlist allt sitt líf. Hann hefur verið fyrirferðarmikill í tónlistarlífinu á Akureyri undanfarna áratugi og leikið með ýmsum hljómsveitum og verið með sínar eigin hljómsveitir. Hann hefur samið mikið af textum í gegnum tíðina og lagið Æskuást, sem Erla Stefánsdóttir söng í kringum árið 1960, var t.d. eitt allra vinsælasta lagið hér á landi á þeim tíma en Rabbi gerði einmitt textann við lagið. Vikudagur kíkti í kaffi til Rabba Sveins og spjallaði við hann um tónlistina og margt fleira.
-Fundur um framtíð Listagilsins á Akureyri var haldin í vikunni en Listagilið stendur á ákveðnum tímamótum. Hlynur Hallsson, safnstjóri á Listasafninu, segir fundinn hafa verið góðan en það sem helst hafi verið til umræðu hafi verið leiðir til að minnka bílaumferð og auka umferð gangandi og hjólandi vegfarenda um götuna.
-Pollamót Þórs fyrir eldri knattspyrnupilta- og stúlkur á landinu verður haldið í 31. skiptið á Þórssvæðinu á Akureyri um helgina, dagana 6. og 7. júlí. Stefnt er að því að mótið verði sannkölluð fjölskylduhátíð og m.a. verða Hoppukastalar á afgirtu svæði fyrir börn báða dagana. Þá hófst N1-mót KA í fótbolta í gær og stendur fram til laugardagsins 7. júlí. Alls eru 188 lið á mótinu í ár og hafa liðin aldrei verið fleiri.
-Hreinn Halldórsson, alþýðulistamaður, hefur undanfarin ár skapað tréskúlptúra/styttur í frítíma sínum. Við heimili hans á Oddeyrinni er stór bakgarður og þar eiga allar stytturnar sinn stað en öll verkin bera sín nöfn og séreinkenni. Hreinn hefur undanfarnar vikur tekið á móti 200 leikskólabörnum á Akureyri sem hann hefur boðið í heimsókn.
-Arnar Már Arngrímsson rithöfundur er í nærmynd og svarar spurningum um lífið og tilveruna. Matarhornið er á sínum stað og í sportinu er fótboltann fyrirferðarmikill.
Þetta og meira til í Vikudegi í dag. Áskriftarsíminn er 460-0750 og 860 6751. Einnig er hægt senda póst á askrift@vikudagur.is.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
