20. nóvember - 27. nóvember - Tbl 47
Vikublaðið kemur út í dag
Vikublaðið kemur út í dag og er blaðið að vanda stútfullt að frétta-og mannlífsefni af Eyjafjarðarsvæðinu og í Þingeyjarsýslum.
Meðal efnis í blaðinu:
*Töluverðar umræður hafa verið um hjólreiðar í Vaðlaheiðargöngum undanfarna daga en ekki er leyfilegt að hjóla í gegnum göngin. Oddur Helgi Halldórsson, fyrrum bæjarfulltrúi á Akureyri og baráttumaður fyrir Vaðlaheiðargöngum á sínum tíma, vakti athygli á málinu er hann skrifaði grein í blaðið nýverið þar sem hann gagnrýndi mjög að ekki sé leyfilegt að hjóla í gegnum göngin. Spurður út í málið segir Valgeir Bergmann Magnússon framkvæmdastjóri Vaðlaheiðarganga að þetta snúist aðallega snúast um öryggismál.
*Í lok júlí voru 186 skráðir atvinnulausir á félagssvæði Framsýnar stéttarfélags í Þingeyjarsýslum eða 5%. Á sama tíma er skráð atvinnuleysi á landsvísu 8,8%.Flestir eru skráðir í fjölmennasta sveitarfélaginu, Norðurþingi eða 140 manns. 20 eru á skrá í Skútustaðahreppi, 25 í Þingeyjarsveit og einn í Tjörneshreppi.
*Auður Katrín Víðisdóttir frá Laugum í Reykjadal dúxaði í innanhússhönnun við virtan alþjóðlegan skóla í Mílanó á Ítalíu. Skólinn heitir við Istituto Europeo di Design (IED) og lauk Auður námi í lok júlí með hæstu mögulegu einkunn eða 110 stig af 110 mögulegum.
*Guðmundur Haukur Sigurðsson framkvæmdastjóri Vistorku skorar á bæjaryfirvöld og bæjarbúa á Akureyri í að gera með sér Samgöngusáttmála sem snýst um að hætta smám saman að nota olíu í samgöngum, fækka bílakílómetrum og fjölga göngu-, hjóla- og strætóferðum.
*Samkomutakmarkanir Landlæknis hafa haft talsverð áhrif á kirkju starf á Húsavík. Í samtali við Vikublaðið sagði Sólveig Halla Kristjánsdóttir sóknarprestur að fyrst og fremst hefði þetta áhrif á athafnir.
*Sagnalist - skráning og miðlun sf. hefur í sumar unnið að hlaðvarpsþáttum í samstarfi við Grenndargralið um veru setuliðsins í Hlíðarfjalli á árum seinni heimsstyrjaldarinnar og fer fyrsti þátturinn í loftið í dag. Þættirnir bera yfirskriftina Leyndardómar Hlíðarfjalls og eru þeir fimm talsins. Brynjar Karl Óttarsson höfundur þáttanna segir hugmyndina að þeim hafa kviknað í einni af vettvangsferðum hóps sem kallar sig Varðveislumenn minjanna upp í fjallið.
*Sigríður Ýr Unnarsdóttir sér um matarhornið þessa vikuna. Hún vinnur hjá Slökkviliðinu á Akureyri á daginn og er með SUP ferðir á Pollinum á kvöldin. Sigríður er því mikið fyrir einfalda og fljótlega matreiðslu og bíður lesendum upp á tvær úrvals vegan uppskriftir.
*Í sumar hafa staðið yfir miklar framkvæmdir í Reykjahlíðarkirkjugarði til að bæta aðgengi fyrir fatlaða og aldraða. Þar hefur Garðvík ehf. unnið að gerð göngustígs um garðinn. Um er að ræða áframhald framkvæmda sem hófust á síðasta ári þegar aðgengi að kirkjudyrum var bætt og hellulögn við kirkjuna lyft til að uppfylla reglugerð um aðgengi fyrir alla.
Smelltu hér til að gerast áskrifandi.
Nýjast
-
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs
