20. nóvember - 27. nóvember - Tbl 47
Vikublaðið kemur út í dag
Vikublaðið kemur út í dag og að vanda er farið um víðan völl í blaðinu.
Meðal efnis:
*Kraftlyftingamaðurinn Viktor Samúelsson úr KFA var valinn íþróttakarl Akureyrar árið 2020 á dögunum en kjörinu var lýst á verðlaunahófi á vegum Íþróttabandalags Akureyrar og frístundaráðs Akureyrarbæjar í Menningarhúsinu Hofi. Viktor á langan afreksferil að baki og er þetta í fimmta skipti sem hann er kjörinn íþróttakarl Akureyrar. Vikublaðið tók Viktor tali og spurði hann út í árangurinn, sportið og ýmislegt fleira.
*Á Þriðjudaginn sl. fór fram fyrsti íbúafundur af fjórum um mögulega sameiningu Þingeyjarsveitar og Skútustaðahrepps. Samstarfsnefnd um sameiningu sveitarfélaganna tveggja hefur teiknað upp mynd af því hvernig sameinað sveitarfélag gæti litið út og á fundunum verður sú mynd útskýrð fyrir íbúum. Fjallað er ítarlega um málið í blaðinu.
*Hildigunnur Svavarsdóttir er framkvæmdastjóri hjúkrunar og framkvæmdastjóri bráða-, fræðslu- og gæðasviðs á Sjúkrahúsinu á Akureyri. Starfið er krefjandi og tekist á við áskoranir á hverjum degi. Óhætt er að segja að kórónuveiran hafi sett mark sitt á undanfarna mánuði. Hildigunnur reynir að taka ekki vinnuna með heim og hreinsar hugann með allskyns útivist og hreyfingu sem er eitt hennar helsta áhugamál. Hildigunnur er Norðlendingur vikunnar og situr fyrir svörum.
*Þekkingarstarfsemi í Þingeyjasýslum og hið nýja frumkvöðlasetur sem fengið hefur vinnuheitið „Hraðið“ leitar nú að nýjum húsnæðiskosti eftir að viðsnúningur varð í samningaviðræðum við Norðlenska. Eftir alllangar viðræður um húsnæðisleigu eða sölu á gamla frystihúsinu á Húsavík varð óvæntur viðsnúningur hjá húseigandanum Norðlenska nýverið og hefur fyrirtækið hafnað kauptilboði í efri hæðir hússins og hefur tilkynnt stofnununum sem hlut eiga að máli að fallið sé frá leigu eða sölu á húsinu. Meira um málið í Vikublaðinu sem kemur út á fimmtudag.
*Skíðavertíðin í Hlíðarfjalli hefur farið vel af stað það sem af er vertíðinni og gengið vel að virða sóttvarnarreglur. Skíðaþyrstir bíða hins vegar enn í ofvæni eftir nýju stólalyftunni sem upphaflega átti að vera tilbúin í desember 2018 en opnun hennar hefur ítrekað verið frestað síðan.
*Þóra Guðný Baldursdóttir heldur um Áskorandapennan og skrifar pistil um heilsu og séra Svavar Alfreð Jónsson skrifar bakþanka vikunnar.
*Íþróttir eru á sínum stað þar sem m.a. er fjallað um handbolta, blak og körfubolta.
Smelltu hér til að gerast áskrifandi.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
