Vikublaðið kemur út í dag
Vikublaðið kemur út í dag og er blaðið að vanda stútfullt af áhugaverðum fréttum, mannlífi, menningu og íþróttum. Meðal efnis í blaðinu:
*Frá 1. janúar næstkomandi mun Akureyrarbær hætta rekstri Öldrunarheimila Akureyrar (ÖA) en óvíst er hvaða aðili á vegum ríkisins muni taka við rekstrinum. Þetta kemur fram í aðsendri grein sem Ingi Þór Ágústsson, forstöðumaður Austurhlíðar, Öldrunarheimila Akureyrar, skrifar í blaðinu. Ingi Þór segir í samtali við Vikublaðið að staðan sé alvarleg og segir einnig að margar íbúðir ÖA séu gamlar og óhentugar sem þarfnist viðhalds og endurbóta.
*Nú þegar landsmenn eru í óða önn við að undirbúa jólahaldið í skugga kófsins skoðar Vikublaðið ýmis áhrif af samkomutakmörkunum á jólahald Þingeyinga. Ljóst er að sveitarfélagið Norðurþing hefur aflýst viðburðum sem alla jafna fara fram um jól og áramót. En neyðin kennir naktri konu að spinna eins og sagt er en skapandi lausnir virðast ætla að bjarga vertíðinni.
*Hjónin Benedikt Ingi Grétarsson og Ragnheiður Hreiðarsdóttir hafa rekið Jólagarðinn í Eyjafjarðarsveit í hartnær aldarfjórðung með aðstoð barna sinna. Því er sannarlega um fjölskyldufyrirtæki að ræða. Líkt og hjá öðrum hefur aðdragandi jóla verið öðruvísi en áður hjá þeim hjónum sem láta þó engan bilbug á sér finna; jólin koma hvað sem öllu líður. Vikublaðið setti sig í samband við jólahjónin og spjallaði við þau um Jólagarðinn og jólin.
*Árið 2019 var rekstrarniðurstaða málaflokksins brunavarnir og almannavarnir í Norðurþingi neikvæð um 52 milljónir en útgönguspá fyrir 2020 gerir ráð fyrir staðan verði neikvæð um 81 milljónir króna. Enn fremur gera áætlanir ráð fyrir því að neikvæð staða málaflokksins verði 86 milljónir. Kristján Þór Magnússon segir í samtali við Vikublaðið að munurinn felist fyrst og fremst í því að nýtt húsnæði hafi verið tekið í notkun fyrir slökkviliðið í sveitarfélaginu.
*Sigrún Steinarsdóttir og Sunna Ósk Jakobsdóttir halda úti síðunni Matargjafir á Akureyri og nágrenni á Facebook, en núna fyrir jólin eru fjölmargir sem þurfa á aðstoð að halda. Þær búast við þrefaldri aukningu á milli ára.
*Akureyrska knattspyrnukonan Rakel Hönnudóttir hefur ákveðið að leggja landsliðsskóna á hilluna eftir að hafa spilað með landsliðinu í 13 ár. Hún er þó hvergi nærri hætt í boltanum. Rakel verður 32 árs gömul núna í desember og á að baki 103 A-landsleiki og skorað í þeim níu mörk. Rakel Hönnudóttir er Íþróttamaður vikunnar.
*Hjálmar Bogi Hafliðason hefur umsjón með Matarhorninu þessa vikuna. Hann hefur setið á þingi sem varamaður fyrir Framsóknarflokkinn og er fulltrúi sama flokks í sveitarstjórn Norðurþings. Hann er líka kennari í Borgarhólsskóla, formaður Golfklúbbs Húsavíkur og þegar félagsmálin eru annars vegar, þá er Hjálmar Bogi aldrei langt undan. Það er líka óhætt að segja að hann uni því vel að matur sé framreiddur fyrir hann en er kannski ekki jafn þekktur fyrir að reiða hann fram sjálfur. En þegar um þjóðlegar kræsingar er að ræða þá fremur hann töfrabrögð í eldhúsinu.
Hægt er að gerast áskrifandi með því að smella hér.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
