Viðtal: Rækta skordýr á Húsavík
Torsten Ullrich og Christin Irma Schröder koma bæði frá Þýskalandi. Hún frá heimabæ Martins Luthers, Lutherstadt Eisleben en Torsten frá nálægum bæ í útjaðri Dresden. Þau hittust þó ekki fyrr en örlögin drógu þau til Húsavíkur þar sem ástin blossaði upp á milli þeirra. Þau störfuðu bæði við uppbyggingu á kísilveri PCC á Bakka en þegar verkefnum þeirra var að ljúka ákváðu þau finna sér ný störf og setjast að á Húsavík. Fyrir skemmstu sigruðu þau í frumkvöðlasamkeppni á vegum EIMS. Blaðamaður Skarps hitti þau og fékk að vita allt um veru þeirra á Húsavík og sigurhugmyndina.
Frumkvöðlar í nýtingu jarðvarma
Eimur, Nýsköpunarmiðstöð Íslands, Matarauður Íslands og Íslensk verðbréf stóðu nýverið að hugmyndasamkeppni um gerð matvæla með jarðhita, undir yfirskriftinni: „Gerum okkur mat úr jarðhitanum“. Alls bárust 20 tillögur í samkeppnina um leiðir til að nýta jarðhita við framleiðslu á matvælum og næringarefnum. Dómnefnd hafði valið fjórar tillögur sem kepptu til úrslita. Hugmyndasmiðirnir komu fram í Hofi á Akureyri 14. júní s.l. og kynntu tillögurnarfyrir dómnefnd og áhorfendum. Eftir nokkrar bollaleggingar dómnefndar stóðu Christin og Torstein uppi sem sigurvegarar með verkefnið: „Rearing Insects on Geothermal Energy TULCIS – The Insect Farm to Feed the Future.“ Verkefnið snýst um það að nota jarðhita til ræktunar á skordýrum með það að leiðarljósi að framleiða úr þeim fóður fyrir fiskeldi. Torsten og Christin Irma hlutu tvær milljónir króna í verðlaun.
Torstein útskýrir hvernig hugmyndin fæddist: „Við vorum eitt sinn á ferðalagi um Ísland og vorum til gamans að velta fyrir okkur nýjum leiðum til að nýta alla þessa jarðvarmaorku sem Íslendingar eiga og allt landflæmið. Við sáum strax mikla möguleika í jarðvarmanum og lékum okkur með þessa hugmynd um að rækta skordýr án þess að fara neitt lengra með það. Svo sáum við auglýsingu um samkeppnina frá EIM og ákváðum að skoða þessa hugmynd betur, fara dýpra ofan í saumana á henni.” Hugmyndin miðar að því að framleiða fóður fyrir fiskeldi úr lirfum skordýra t.d. mjölorma.
Viðtalið má nálgast í heild sinni í prentútgáfu Skarps
-Skarpur, 28. júní
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
