20. nóvember - 27. nóvember - Tbl 47
„Við lofum gleði og almennum fíflalátum“
Halli, Gói og Jón Ólafsson ætla að taka Akureyri með trompi laugardaginn 3. september n.k. Sögur, sprell og söngur. Þeir flytja uppáhaldslögin sín úr leikhúsinu og segja sögur, sannar og aðeins minna sannar. Fjölskylduútgáfan verður í samkomuhúsinu kl. 14 og fullorðinsútgáfan verður á Græna hattinum kl. 21.
Guðjón Davíð Karlsson eða Gói segir að það sé virkilega gaman að koma með þessa skemmtilegu sýningu norður á Akureyri. Þetta er heldur ekki í fyrsta sinn sem þeir félagarnir hafa verið með dagskrá af þessu tagi á Akureyri.
„Við Halli bjuggum á Akureyri. Ég flutti norður strax eftir útskrift úr leiklistarskólanum 2005 og bjó fyrir norðan í þrjú ár. Halli kom svo eftir að hann útskrifaðist og það fyrsta sem við lékum saman voru Óvitar og Jón Ólafs samdi tónlistina í þeirri sýningu. Þannig að við eigum sterka tengingu norður,“ segir Gói og bætir við að þeir Halli hafi stofnað Leikhúsbandið þegar þeir bjuggu á Akureyri. Þá hafi þeir spilað mikið saman og komið fram víða. „Svo höfum við haldið tónleika annað slagið. Það var svo í fyrra að við fengum Jón með okkur og komum fram í Salnum í Kópavogi og það vakti svona líka rífandi lukku þannig að úr varð að við fórum að finna dagsetningar til að endurtaka leikinn.“
Það er óhætt að mæla með þessari sýningu þar sem þetta kostulega þríeyki kemur til með að syngja og leika öll sín uppáhalds lög. „Já, þetta eru lög sem við höfum sungið í söngleikjum og fleiri sem okkur langar alveg rosalega til að syngja. Það eru engar reglur nema bara að það á að vera gaman. Svo bullum við og sprellum. Þannig að við lofum dúndrandi skemmtun,“ segir Gói.
Gói segir að upphaflega hafi bara staðið til að troða upp á Græna hattinum fyrir fullorðna fólkið en við nánari tilhugsun fannst þeim það ekki nóg.
„Við vorum búnir að finna dagsetningu á Græna hattinum og okkur langaði að gera eitthvað fyrir krakkana líka. Við erum allir ástfangnir af Samkomuhúsinu. Flottasta leikhús á Íslandi þannig að við fengum þá hugmynd að gera „barnvænaútgáfu“ af prógramminu okkar. Syngja lög úr barna og fjölskylduleikritum og segja sögur og fíflast. Við erum ótrúlega spenntir að stíga aftur á svið samkomuhússins. Það verður dásamlegt alveg,“ útskýrir Gói.
Miða fyrir fjölskyldusýninguna er hægt að panta á heimasíðu Menningarfélags Akureyrar. Miðar á fullorðins sýninguna á Græna hattinum er hægt að nálgast á heimasíðu staðarins,
„Það er svo auðvelt að nálgast miða að það er rugl að láta eitthvað stoppa sig. Við lofum gleði og almennum fíflalátum og hlökkum alveg svakalega til að koma norður og sjá sem allra flesta,“ segir Gói að lokum.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
