20. nóvember - 27. nóvember - Tbl 47
Vegalengd sem ekið var jafngildir 4,4 ferðum umhverfis jörðina
Axel Jensen framkvæmdastjóri Hopp á Akureyri segir sumarið hafa verið ævintýri líkast. Alls voru 65 rafmagnshlaupahjól í útleigu. Ferðirnar voru 103 þúsund og hjólunum ekið sem samsvarar 4,4 sinnum umhverfis hnöttinn.
„Þetta var ævintýri líkast. Við erum í skýjunum yfir viðtökunum,“ segir Axel Jensen framkvæmdastjóri hjá Hopp á Akureyri. Félagið hóf göngu sína í bænum á liðnu vori, en það leigir út Hopp rafmagnshlaupahjól.
Nýlega var gengið frá hjólunum fyrir veturinn en ekki þykir ráðlegt að vera með þau í útleigu í vetrarríkinu sem á stundum ræður ríkjum norðan heiða.
Ekið tæplega 170 þúsund kílómetra
Hopp bauð upp á 65 rafmagnshlaupahjól í sumar og voru þau leigð út í 103 þúsund skipti. Hjólin komu á göturnar í vor og voru sett í geymslu fyrir um 2 vikum, þannig að þau voru aðgengileg í 6 mánuði. Á þeim tíma var þeim ekið um götur Akureyrar tæplega 170 þúsund kílómetra, tæplega 4,4 sinnum umhverfis jörðina. Gera má ráð fyrir að vel á 2,4 tonn af koltvísýringi hafi sparast með þessum ferðamáta ef miðað er við að fólk hefði ella ferðast um á bíl.
Fjölga hjólum um meira en helming
Axel segir að eftirspurn hafi verið meiri en gert var ráð fyrir þegar starfsemin hófst. „Viðbrögðin voru mun betri en við gerðum ráð fyrir þannig að við munum fjölga hjólum um meira en helming fyrir næsta sumar. Ég geri ráð fyrir að vera með 140 til 160 hjól í rekstri þá,“ segir hann.
Axel segir að fólk á öllum aldri hafi nýtt sér þann kosta að hoppa á næsta lausa rafmagnshlaupahjól. Til að byrja með hafi einkum yngra fólk verið í hópi þeirra sem gripu hjólin, en eftir því sem á leið sumarið fór meðalaldur notenda hækkandi. „Við sáum alveg þó nokkuð um eldra fólk sem var að nýta sér hjólin og einnig var töluvert um að fólk væri að fara á hjólum til og frá vinnu,“ segir Axel. Reynslan af fyrsta sumrinu segir hann að hafi m.a. verið sú að hafa fleiri hjól tiltæk inni í hverfum bæjarins.
Nokkrir starfsmenn störfuðu hjá félaginu, m.a. við að fara um og hlaða hjól, lagfæra ef illa var lagt og fleira í þeim dúr og var verið að störfum frá 9 á morgnana til 11 á kvöldin og miðnættis um helgar. Mikill tími fór í að viðhalda hjólunum og Axel segir að dagarnir hafi oft verið langir.
Axel segir að tíðarfar á Akureyri yfir vetrarmánuði gerir rekstur hlaupahjóla erfiðan. Hann muni hins vegar skoða næsta haust hvort grundvöllur reynist fyrir því að setja nagladekk undir einhvern hluta hjólanna og prófa hvernig gengur.
/MÞÞ
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
