20. nóvember - 27. nóvember - Tbl 47
Upphæðin lögð inn í neyðarsöfnun UNICEF fyrir börn í Úkraínu
Ungir listamenn, þeir Helgi Hrafn Magnússon og Kjartan Gestur Guðmundsson hafa teiknað myndir af Nike skóm í eigin útfærslu og farið með á milli manna og selt, en ágóðinn var lagður inn á neyðarsöfnun UNICEF á Íslandi fyrir börn í Úkraínu. Nike á Íslandi keypti myndir eftir strákana og fór upphæðin, 200 þúsund krónur einnig inn í þá söfnun. Drengirnir voru ánægðir með þau viðskipti og einkum að börn í neyð nytu góðs af listrænum hæfileikum þeirra. Mynd/MÞÞ
Margrét Þóra Þórsdóttir
mth@vikubladid.is
Vinirnir Helgi Hrafn Magnússon og Kjartan Gestur Guðmundsson sem eru í 4. bekk í Brekkuskóla voru hæstánægðir þegar þeir mættu í athöfn í Hofi þar sem Kolbrún Pálína Helgadóttir starfsmaður hjá Icepharma, sem hefur umboð fyrir Nike á Íslandi afhenti þeim glænýja hvíta Nike skó og fleira, en aðalmálið var að félagið keypti myndir sem piltarnir höfðu teiknað og fór andvirðið í söfnun fyrir börn í Úkraínu.
Tilefnið er að félagarnir höfðu teiknað myndir þar sem skór af þeirri tegund komu við sögu, gengið með þær um miðbæinn á Akureyri, í verslanir og kaffihús og boðið til sölu. Gekk þeim alveg prýðilega vel og seldu myndir fyrir 26 þúsund krónur sem þeir síðan lögðu inn til neyðarsöfnunar UNICEF á Íslandi fyrir börn í Úkraínu.
Kolbrún segir að það hefði vakið athygli meðal starfsmanna Nike á Íslandi að megnið af myndum strákanna voru af Nike skóm, en strákarnir hafa á þeim dálæti. Þannig hafa þeir tekið sig til og skreytt nokkur skópör, en við þá iðju kviknaði hugmyndin um að það væri sniðugt og aðeins ódýrara áhugamál að teikna og hanna eigin skó á blaði.
Þeir Helgi Hrafn og Kjartan Gestur eru báðir miklir teiknarar og hafa gaman af því að hanna föt og hluti, eru listrænir og finnst jafnvel koma til greina að verða listamenn er fram líða stundir.
200 þúsund í neyðarsöfnun
„Það er mjög gaman af þessu,“ segir Kolbrún og velti fyrir sér hvort ekki væri spennandi að snúa dæminu við, þannig að Nike hannaði skó eftir teikningum strákanna. Hún segir Nike leggja samfélagsmálum lið og gerðu það með kaupum á verkum eftir Helga og Kjartan. Tvær myndir voru keyptar, hvor um sig á 100 þúsund krónur þannig að þeir afhentu stoltir til viðbótar við fyrra framlag 200 þúsund krónur í söfnunina. Kolbrún segir að féð muni án efa nýtast vel í þeim umfangsmiklu verkefnum sem UNICEF, Barnahjálp Sameinuðu þjóðanna stendur fyrir í Úkraínu og við landamæri nágrannaríkja. Nýverið voru til að mynda afhent um 62 tonn af hjálpargögnum í Lviv í vesturhluta Úkraínu á vegum UNICEF. Fulltrúar frá samtökunum eru á vettvangi m.a. til að tryggja hreint vatn, heilbrigðisþjónustu, skólagögn, félagslega sálfræðiþjónustu og fjárhagsaðstoð.
Þá hefur Bláa punktakerfið verið virkjað en það snýst um að taka á móti fólki sem flúið hefur Úkraínu. Blái punkturinn er miðstöð þar sem tekið er á móti börnum og fólki á flótta, barnvæn svæði þar sem býður upp á skjól og vernd. Bláu punktarnir eru mikilvægir til að bera kennsl á fylgdarlaus börn sem orðið hafa viðskila við fjölskyldur sínar.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
