Ungir Húsvíkingar kynnast lífríki Skjálfandaflóa með Norðursiglingu
Áralöng hefð er fyrir því að Norðursigling bjóði nemendum á unglingastigi Borgarhólsskóla í haustsiglingu á Skjálfandaflóa. Slík ferð var farin á dögunum þegar um 100 nemendur og kennarar sameinuðust í bátana Bjössa Sör og Náttfara og sigldu um flóann, skoðuðu hnúfubaka og tóku svo land í Flatey.
Að sögn Hjálmars Boga Hafliðasonar, kennara við Borgarhólsskóla, var veðrið með besta móti þegar út í eyju var komið, sunnan andvari og hlýtt. Hópurinn gekk um eyjuna, gæddi sér á nesti í Samkomuhúsinu og naut útsýnisins úr vitanum ásamt því að rekast á eyjaskeggja sem dvalið höfðu í eyjunni frá því í byrjun september.
Eftir vel heppnaða heimsókn út í eyju var stefnan tekin aftur á Húsavík en á heimleiðinni var að sjálfsögðu boðið upp á heitt kakó og kanilsnúða.
„Það er órjúfanlegur hluti af haustinu að bjóða unglingum bæjarins í haustsiglingu og eru starfsmenn Norðursiglingar stoltir að fá nemendur skólans um borð í báta sína og kynna þá fyrir lífríki Skjálfanda og því magnaða umhverfi sem umlykur bæinn,“ segir í tilkynningu frá fyrirtækinu.
Þetta er ekki fyrsta skipti þetta árið sem ungir Húsvíkingar stíga um borð í báta Norðursiglingar en í sumar fóru um 30 börn úr Sumarfrístund Norðurþings í hvalaskoðun sem heppnaðist afar vel. Að auki unnu félagasamtökin Ocean Missions að verkefni með Vinnuskóla Norðurþings þar sem áhersla var lögð á fræðslu um hafið og lífríki þess ásamt því að vekja börnin til umhugsunar um umhverfismál. „Tvívegis var farið með hópa á rafmagnsskonnortunni Ópal og sýni tekin úr flóanum til að kanna magn plastagna í sjónum. Skemmst er frá því að segja að vel tókst til en Norðursigling er aðalstuðningsaðili Ocean Missions” segir Stefán Jón Sigurgeirsson, framkvæmdastjóri Norðursiglingar.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
