Tónleikum frá Græna hattinum sjónvarpað á N4
Tónleikastaðnum Græna hattinum á Akureyri hefur verið lokað vegna samkomubanns. Til þess að bregðast við þessum fordæmalausu aðstæðum ákváðu sjónvarpsstöðin N4 og Græni hatturinn að leita til tónlistarfólks með það fyrir augum að taka upp tónleika án áhorfenda og sjónvarpa þeim heim til landsmanna. Fyrstu tónleikunum verður sjónvarpað í kvöld.
Allir boðnir og búnir til að aðstoða
„Við höfum rætt möguleika á að taka upp tónleika á Græna í nokkurn tíma en aðstæðurnar í þjóðfélaginu kölluðu á að bregðast við með hraði. Allir sem leitað var til voru boðnir og búnir, bæði tónlistarfólk og kostendur. Stebbi Jak og Andri Ívars eru þeir fyrstu sem stíga á sviðið í þessu verkefni en þeir eru landsþekktir sem dúettinn föstudagslögin. Við tókum í vikunni upp klukkutíma tónleika með þessum frábæru listamönnum og afraksturinn verður sendur út í kvöld, föstudagskvöld,“ segir María Björk Ingvadóttir framkvæmdastjóri N4. „Þetta verkefni sýnir svo vel að ýmislegt er hægt að gera, bara ef allir hjálpast að og ég er innilega þakklát öllum sem hjálpuðu við að greiða götu okkar.“
Stærstu tónleikar Græna
„Samkomubannið gerir auðvitað það að verkum að við þurftum að skella í lás. Í þessum aðstæðum þurfa allir að standa saman og bregðast við á jákvæðan hátt. Með þessum tónleikum geta allir landsmenn skellt sér á tónleika á Græna hattinum og það heima í stofu,“ segir Haukur Tryggvason á Græna hattinum.
„Það var mjög sérstakt að fylgjast með upptökunni, hérna er venjulega setið við hvert borð á tónleikum en núna verður staðan sú að landsmenn geta haft það notalegt heima og skellt sér á Græna og hlustað á Stebba Jak og Andra Ívars. Þetta verða klárlega fjölmennustu tónleikarnir sem haldnir hafa verið á Græna til þessa og það er bara frábært.“
Tónleikarnir á N4 verða sem fyrr segir frumsýndir í kvöld, föstudagskvöldið 20. mars og hefst útsending klukkan 21:00
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
