27. nóvember - 4. desember - Tbl 48
Tíu tíma tónflæði í Hofi
Strengjasveitir Tónlistarskólans á Akureyri tóku sig til laugardaginn 12. febrúar og léku tónlist í tíu klukkustundir sleitulaust, frá kl. tíu um morguninn til kl. átta um kvöldið.
Þetta gerðu þær í því skyni bæði að gera sér glaðan dag, hrista upp í spilamennskunni eftir misdjúpar kóvidsveiflur, og einnig að afla fjár til hljómsveitarferðalaga og fleiri skemmtilegra uppákoma.
Mörg fyrirtæki í bænum styrktu strengjasveitirnar með áheitum, bakkelsi og pitsu, og einnig gestir og gangandi. Kennarar og foreldrafélag lögðu hjálparhönd á plóginn við skipulag og hljómsveitastjórn. Hliðarveggir Hamra voru opnaðir og gátu gestir í Hofi heyrt strengjasveitirnar þrjár, sem og smærri hópa skipaða nemendunum, æfa þar og leika lifandi tónlist allan daginn.
Krakkarnir, á aldrinum 8-20 ára, sýndu af sér stakan dugnað og úthald. Og inn á milli, þar sem sveitirnar skiptust á um að spila, var tími til að njóta lífsins í góðum hópi.
Sannarlega frábært tónflæði í Hofi.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
