20. nóvember - 27. nóvember - Tbl 47
„Það er alltaf talað um Völla litla á heimilinu“,
Guðrún Kristinsdóttir segir frá rekstri Völsungs í viðtali í síðasta tölublaði Skarps. Mynd/ epe
Guðrún Kristinsdóttir hættir sem formaður Völsungs í lok júní en hún hefur gegnt stöðunni síðan 2011. Hún hefur þó verið viðloðandi félagið með einum eða öðrum hætti frá því hún flutti til Húsavíkur árið 1986 en hún er Hafnfirðingur og uppalin á Haukasvæðinu. Þess má geta að Haukar eiga sama afmælisdag og Völsungur sem er fjórum árum eldri. Guðrún tók á móti blaðamanni Skarps á heimili sínu fyrir helgi, ræddi um formannsstarfið og breytt landslag í rekstri Völsungs.
Guðrún er gift Ingólfi Freyssyni sem einnig hefur gegnt stöðu formanns Völsungs og þegar hún fyrst kynnist félaginu er tengdafaðir hennar, Freyr Bjarnason (Beysi) formaður. Þau hjónin hafa unnið mikið og óeigingjarnt starf fyrir félagið og verið til taks hvenær sem leitað er til þeirra. „Völli litli var einn af systkinunum en er núna barnið okkar,“ segir Guðrún og hlær. „Það er alltaf talað um Völla litla á heimilinu, að það þurfi að sinna Völla litla.“
Hefur starf formannsins breyst mikið í gegnum tíðina?
„Sjálfsagt hefur það breyst í fyllingu tímans þetta er orðið stórt og mikið starf. Ég held að ég sé að eyða á bilinu 10-15 tímum á viku í þetta sem snýr þá að því að svara tölvupósti, taka símtöl, semja og flytja ræður, og svo auðvitað að vera á kantinum og sinna því sem þarf að sinna. Ég gríp náttúrlega í ýmis verk sem að aðrir komast ekki yfir að gera, verkefnin geta verið margbreytileg,“ segir Guðrún en þegar blaðamann bar að garði var hún nýkomin heim frá því að þrífa íbúð fyrir PCC. „Það var haft samband frá fyrirtækinu og okkur boðið að taka að okkur þrif á íbúðum fyrir starfsmenn. Launin fyrir þessi þrif renna óskipt til styrktar knattspyrnudeildinni. Við erum búin að þrífa einar fjórar íbúðir nú þegar.“
Viðtalið má nálgast í heild sinni í prentútgáfu Skarps
- Skarpur 21. júní
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
