Stuðningur HN við hjartaþræðingar á SAk
Aðalfundur Hjartaverndar Norðurlands var haldinn á dögunum [þann 26. okt. síðast liðinn]. Auk venjulegra aðalfundarstarfa ræddu fundarmenn við hjartalækni um stöðuna í baráttunni við hjartasjúkdóma. Miklar framfarir hafa orðið í hjartalækningum síðustu áratugi og sú bragarbót sem orðið hefur á lífsstíl þjóðarinnar, einkum með minni tóbaksreykingum, hefur leitt til færri dauðsfalla og örkumla af völdum hjartasjúkdóma. Mikið verk er þó óunnið og mun hækkandi meðalaldur þjóðarinnar og þyngdaraukning birta nýjar áskoranir í forvörnum, lækningum og umönnun hjartasjúklinga.
Hjartavernd Norðurlands er almannaheillafélag stofnað árið 1965 sem Hjarta- og æðasjúkdómavarnarfélag Akureyrar og nágrennis. Félagið hefur beitt sér fyrir framförum í hjartalækningum, unnið að bættri þjónustu við sjúklinga og fjölskyldur þeirra, haldið vakningarfundi og mælt blóðþrýsting bæjarbúa. Félagið tók þátt í stofnun HL-stöðvarinnar og það hefur úthlutað styrkjum til rannsókna og til tækjakaupa á heilsugæslur og sjúkrahús. Félaginu hafa borist margar og höfðinglegar gjafir á starfstíma sínum sem varið hefur verið í þágu markmiða þess, sem hafa verið að berjast gegn hjarta- og æðasjúkdómum, útbreiðslu þeirra og afleiðingum, eins og segir í stofnskrá félagsins.
Samþykkt var einróma eftirfarandi ályktun um hjartaþræðingar við Sjúkrahúsið á Akureyri:
Aðalfundur Hjartaverndar Norðurlands lýsir stuðningi við þingsályktunartillögu (þingskjal 396/2023) um að hjartaþræðingar verði gerðar á Sjúkrahúsinu á Akureyri. Aðalfundurinn hvetur Alþingi og ríkisstjórn til þess að vinda bráðan bug að því að tryggja mannskap og tæki þannig að verða megi af enn bættri þjónustu við hjartasjúklinga. Það kallar á pólitíska afstöðu og aðgerðir að gera sérfræðiþjónustu aðgengilega öllum landsmönnum í samræmi við Heilbrigðisstefnu heilbrigðisráðuneytisins frá 2019. Heilbrigðiskerfið varð ekki til af sjálfu sér, því er hægt að breyta og það má bæta. Til þess þarf pólitískan vilja og málafylgju sem tryggir framgang umbóta. Hjartavernd Norðurlands mun ekki láta sitt eftir liggja í þessu efni og hvetur aðra til þess að gera slíkt hið sama.
Fh. Hjartaverndar Norðurlands
Þorlákur Axel Jónsson, formaður stjórnar
Snæbjörn Þórðarson þá formaður HN tekur á móti rausnarlegum styrk til félagsins frá Akureyrardætrum, sem þær öfluðu með þátttöku í hjólreiðakeppni hringinn í kringum landið. Á myndinni með honum eru Hafdís Sigurðardóttir, Þórdís Rósa Sigurðardóttir, Harpa Hermannsdóttir, Laufey Hrólfsdóttir, Kristjana Hákonardóttir og Vala Magnúsdóttir.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
