Spennandi vetur framundan
„Það er spennandi vetur fram undan hjá okkur,“ segir Tinna Jóhannsdóttir framkvæmdastjóri Skógarbaðanna. Rekstur Skógarbaðanna hefur gengið vel, stöðugur straumur gesta, bæði innlendra og erlendra var á liðnu sumri, hinu fyrsta í rekstri baðanna. „Það gekk ótrúlega vel í sumar og haustið hefur einnig verið gott.“ Skógarböðin verða áfram opin til miðnættis í allan vetur.
„Gestir eru mjög ánægðir með böðin, það vantaði afþreyingu af þessu tagi á Akureyri,“ segir Tinna. Talsvert er um að fólk komi hjólandi í böðin og eða til að njóta veitinga á veitingastaðnum Skógur Bistró sem rekin er í tengslum við Skógarböðin en hann hefur notið vinsælda. „Við bjóðum upp á dögurð um helgar sem heldur betur hefur slegið í gegn,“ segir hún. Gott útisvæði eykur á upplifun gesta sem gjarnan nýta það á góðviðrisdögum.
Stemmning á tónleikum
Bryddað hefur verið upp á þeirri nýjung að efna til tónleika fyrir gesti Skógarbaðanna á fimmtudagskvöldum. Hvanndalsbræður riðu á vaðið, þá Rúnar EFF og Stefán Jakobsson, Stebbi Jak og nú síðast Jazztríó Kristjáns Edeldsteins. Tinna segir að tónleikar í Skógarböðunum verði í boði af og til fram eftir haustið, þegar veður og stemmning leyfir, enda hafi þeir mælst vel fyrir.
Hún segir að greinilegt sé að hópa af ýmsu tagi, starfsmanna- og vinahópar séu að taka vel við sér nú þegar kórónuveirutímabili með sínum takmörkunum sé að baki. „Við höfum vart undan að taka við bókunum frá fyrirtækjum sem ætla að gleðja sitt starfsfólk eftir frekar fáar samverustundir undanfarin ár.“
Hún segir ýmislegt skemmtilegt framundan í vetur, áfram verði opið til miðnættis alla daga vikunnar og gerir hún ráð fyrir að gestir kunni vel að meta rúman opnunartíma. Fáir staðir séu betur til þess fallnir að njóta norðurljósanna sem dæmi. Þá nefnir hún að gera megi ráð fyrir að skíðafólk muni á komandi vetri nýta böðin eftir skíðaferð í Hlíðarfjall.
Tinna segir að nokkur flugfélög bjóði nú upp á bein flug til og frá Akureyri, heimafélagið Niceair þar á meðal sem verði þess valdandi að ferðamennskan verður virk í allan vetur. Hótel á svæðinu séu einnig með í boði pakka af margs konar tagi sem margir muni eflaust nýta sér.
Vetrarkort í sölu
Vetrarkort verða sett í sölu á næstunni, þau gilda frá október og fram í apríl og geta þeir sem fjárfesta í slíku korti heimsótt Skógarböðin eins oft og vilji er til og „baðrúm“ leyfir. „Við hlökkum til vetrarins og erum sannfærð um að það verði mikið að gera hjá okkur,“ segir Tinna, en um 40 manns starfa hjá Skógarböðunum.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
