20. nóvember - 27. nóvember - Tbl 47
Snjólatónleikar í Akureyrarkirkju
Birkir Blær, Elvý og Eyþór Ingi. Mynd/Daníel Starrason.
Eyþór Ingi Jónsson, Elvý G. Hreinsdóttir og Birkir Blær Óðinsson skipa Fjölskyldutríóið sem heldur jólatónelika í Akureyrarkirkju laugardaginn 16. desember kl. 20:00. „Fjölskyldutríóið hefur ferðast um Norðausturland undanfarið og haldið tónleika á Kópaskeri, Akureyri, Ólafsfirði og Dalvík. Í janúar höldum við áfram tónleikahaldi, þar sem við flytjum litríka og fjölbreytta tónlist.
En á milli tónleikaraðanna ákváðum við að halda eina jólatónleika, þó ekki venjulega jólatónleika með klassísku jólalögunum, heldur verðum við meira með hlýlega vetrartónleika, ef hægt er að segja svo. Tónleikana köllum við Snjólatónleika. Við fengum frábært listafólk til að vera með okkur á tónleikunum og verður efnisskráin hugljúf, þjóðleg, notaleg og falleg. Við ætlum okkur að slökkva á raflýsingu Akureyrarkirkju, kveikja á nokkrum notalegum kösturum og kertum og skapa þægilegt og afslappandi andrúmsloft,“ segir í tilkynningu en frítt verður á tónleikana.
Elvý sér um söng ásamt Birki Blæ sem einnig spilar á gítar og Eyþór Ingi spilar á allskyns hljómborðshljóðfæri. Gestirnir á tónleikunum eru Fanney Kristjáns Snjólaugardóttir, söngkona, Arnbjörg Sigurðardóttir, flautuleikari, Konni Bartsch, söngvari og gítarleikari og félagar úr kammerkórnum Hymnodiu.
Dæmi úr efnisskrá: Skandinavísk jólatónlist, lög eftir Konna og Birki Blæ, íslensk og erlend þjóðlög, íslensk sönglög og silkimjúkt vetrarpopp. Lagatextar eru m.a. eftir Hannes Sigurðsson, Hildi Eir Bolladóttur, Svavar A. Jónsson og Gísla á Uppsölum
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
