20. nóvember - 27. nóvember - Tbl 47
Sköpun, tilraunir og flæði í Listasafninu
Þátttakendur ásamt Jóni Ingiberg Jónsteinssyni. Mynd: Almar Alfreðsson/Akureyri.is
Barnamenningarhátíð á Akureyri er í fullum gangi og um síðustu helgi fór fram önnur listvinnustofa verkefnisins Allt til enda. Þar er börnum á grunnskólaaldri gefin kostur á að sækja þrjár ólíkar listvinnustofur í Listasafninu á Akureyri og vinna með skapandi listamönnum og hönnuðum.
Lögð er áhersla á að börnin taki virkan þátt í öllu ferlinu, allt frá því að leita sér innblásturs, skapa verkið og sýna svo afraksturinn á sérstakri sýningu sem sett er upp í lok vinnustofunnar.
Í þessari listvinnustofu bauð grafíski hönnuðurinn, Jón Ingiberg Jónsteinsson börnum á aldrinum 8 til 12 ára upp á fjölbreytt verkefni með áherslu á mismunandi tækni, ólík efni og aðferðir. Börnin voru hvött til að gera tilraunir, vinna í flæði og öðlast þannig aukið sjálfstraust í sinni listsköpun. Verkefnin voru unnin bæði sjálfstætt og í hóp. Halla Björk Reynisdóttir, forseti bæjarstjórnar opnaði sýninguna sem stendur til 1. maí.
Næsta listvinnustofa verkefnisins verður haldin 14.-15. maí. Það er búningavinnustofa með Ninnu Þórarinsdóttur, barnamenningarhönnuði og Sigurbjörgu Stefánsdóttur, fatahönnuði og klæðskera úr hönnunarteyminu Þykjó. Allar nánari upplýsingar má finna á listak.is.
Sýnendur tilraunavinnustofunnar eru:
Anna Kristín Ásgeirsdóttir f. 2011
Áslaug Halla Gunnarsdóttir f. 2010
Emma Júlía Cariglia f. 2011
Esja Skagfield f. 2011
Indíana Elín Helgadóttir f. 2011
Ingvar Sigurpálsson f. 2012
Jóhanna María Helgadóttir f. 2013
Lydia Björk Ragnarsdóttir f. 2012
Mía Almarsdóttir f. 2012
Snædís Unnur Sigurpálsdóttir f. 2010
Allt til enda er samstarfsverkefni Listasafnsins á Akureyri, Akureyrarbæjar og Barnamenningarsjóðs Íslands. Verkefnastjóri er Heiða Björk Vilhjálmsdóttir, fræðslufulltrúi.
Smellið á myndirnar að neðan til að sjá stærri útgáfur og fletta á milli þeirra.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
