20. nóvember - 27. nóvember - Tbl 47
Skíðað á Húsavík í júlí
Símon Böðvarsson og Tanja Rut Bjarnadóttir létu það ekki á sig fá þó skíðalyftan hafi verið lokuð og nutu sín í snjónum og veðurblíðunni.
Gönguskíðafólk á Húsavík hefur um nokkurra ára skeið stundað íþrótt sína af miklum móð við Reiðarárhnjúk á Reykjaheiði en svæðið hefur að mestu verið byggt upp af áhugafólki. Þá var skíðalyftan úr Skálamel loks flutt og komið fyrir í Reiðarárhnjúk síðast liðið haust en sá gjörningur hefur lengi verið í burðarliðnum enda gengið brösulega að halda skíðasvæði bæjarins í Skálamel opnu sökum snjóleysis undanfarna vetur.
Einhvern tíma var haft eftir Vilhjálmi Pálssyni sem lengi hefur barist fyrir því að fá skíðalyftu í hnjúkinn að hann ætti sér þann draum að Húsvíkingar gætu stundað skíði fram í júlí. Sá draumur rættist heldur betur um helgina þegar Böðvar Bjarnason og Íris Víglundsdóttir fengu son sinn og tengdadóttur, Símon Böðvarsson og Tönju Rut Bjarnadóttur í heimsókn en þau eru búsett í Sviss.
Þau komu vel útbúin frá Sviss og skelltu sér á fjallaskíði, reyndar í Gyðuhnjúk sem er á sama svæði og virðast hafa notið sín í snjónum og veðurblíðunni eins og meðfylgjandi myndir sem Böðvar tók sýna glögglega. Þau létu það heldur ekki á sig fá þó skíðalyftan hafi verið lokuð.
/epe
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
