20. nóvember - 27. nóvember - Tbl 47
„Sameinumst í einangruninni!“
Harpa Fönn Sigurjónssdóttir ólst upp í Kaldbak á Húsavík en fluttist til höfuðborgarinnar til að fara í menntaskóla og hefur að mestu búið þar síðan. Hún er lögfræðingur að mennt og hefur m.a. starfað sem slíkur fyrir Myndstef en hún lagði áherslu á höfundaréttarmál í námi sínu. Hún hefur þó lengst af starfað með einum eða öðrum hætti við listsköpun og skipulagningu listviðburða.
Harpa stofnaði leikhópinn Lakehouse árið 2016 með manninum sínum, Árna Kristjánssyni leikstjóra sem hefur sett upp leikverkin Í samhengi við stjörnurnar og Rejúníon. Hún hlaut tilnefningu til Grímuverðlauna fyrir það fyrrnefnda. Nú er leikhópurinn að setja upp verk í samstarfi við Isavia sem er búið að vera í undirbúningi í ein þrjú ár. „Við fengum þessa hugmynd þegar við vorum í fæðingarorlofi í Mexíkó þegar við vorum að undirbúa listahátíðina Skjálfanda sem haldinn hefur verið á Húsavík undanfarin ár,“ segir Harpa í samtali við Vikublaðið.
Þau þóttust vita að um allt land leyndust skúffuskáld og aðrir listamenn sem aldrei höfðu starfað við skapandi listir. Úr varð að þau auglýstu eftir textum frá fólki um allt land þar sem hugmyndin var að safna þeim saman og gera úr þeim heildstætt verk. Skemmst er frá því að segja að þeim bárust um 150 verk frá 50 höfundum.
Sigga Lára Sigurjósdóttir var fengin til að ritstýra verkinu og gera handrit úr verkum 11 höfunda. Úr varð Einangrun, 30 mínútna langt samskotsverk þessara höfunda. Í verkinu er raðað saman ljóðum, örsögum og stuttum leikþáttum og verður það flutt af Guðmundi Inga Þorvaldssyni í leikstjórn Árna Kristjánssonar. Harpa Fönn fer með framkvæmdastjórn. Sýningarnar eru liður í Listahátíð í Reykjavík.
Tvisvar hefur þurft að fresta sýningum verksins vegna Covid-19 faraldursins en allt er þegar þrennt er. Harpa Fönn segir að verkin sem gjörningurinn er settur saman úr séu afar fjölbreytt en að þarna sé verið að fjalla um einmanaleika á stafrænni öld.
„Við lifum á öld samskipta á stafrænum vettvangi en á sama tíma einkenna einmanaleiki og depurð líf alltof margra. Deilum við raunverulega gleði og sorg með hvert öðru?
Leikhúsið er listform sameiningar og hér er hinn kynngimagnaði kraftur sviðslistanna nýttur til hugrenninga um einangrun í öllum sínum myndum. Hvað er það sem einangrar okkur, frá hverju og hvers vegna?,“ segir Harpa.
Leikhópurinn Lakehouse sækist eftir því að veita fjölbreyttum röddum hljómgrunn og kallaði eftir efni frá skáldum í öllum landshlutum við undirbúning sýningarinnar. „Lakehouse vill með þessu verki heiðra íslenska trúbadorinn, sögumanninn eða shamaninn sem glæðir samverustundir þorpsbúanna lífi með tilfinningaþrungnum frásögnum sínum, ádeilu, háði og kímni. Sameinumst í einangruninni!,“ segir Harpa Fönn.
Sýningar fara fram á eftirfarandi dögum og stöðum en enginn aðgangseyrir er á sýningarnar:
10. júní: Reykjavíkurflugvöllur kl. 17:00
11. júní: Egilsstaðaflugvöllur kl. 15:15 og kl. 18:45
12. júní: Akureyrarflugvöllur kl. 13:00 og kl. 17:00
13. júní: Ísafjarðarflugvöllur kl. 10:20 og kl. 18:00.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
