Óvæntur gestur borðar á Fjölsmiðjunni
Guðni Th. Jóhannesson forseti var í heimsókn á Akureyri í gær. Hann notaði tækifærið og snæddi hádegisverð á Fjölsmiðjunni, ásamt forsetaritara og fastagestum staðarins. Í boði var var dýrindis hrossafile, með béarnaise, kartöflum og hrásalti. Þessu góðgæti var svo skolað niður með ísköldu vatni. Að sögn Erlings Kristjánssonar forstöðumanns Fjölsmiðjunar var hringt frá skrifstofu forseta daginn áður og í þvi símtali kom fram að forsetinn óskaði eftir að borða á staðnum. Annar viðbúnaður var ekki.
Fastagestir tóku auðvitað vel á móti Guðna og Örnólfi forsetaritara. Tvær franskar stúlkur sem eru að kynna sér starfsemi Fjölsmiðjunnar vegna náms sem þær leggja stund á í heimalandinu vissu vart hvaðan á þær stóð veðrið þegar forseti Íslands var mættur til myndatöku með þeim. Þær höfðu á orði að svona gæti alls ekki gerst í Frakkalandi nema að áður hefði komið fjöldi lífvarða og sérsveitamanna. Fyrst til þess að taka staðinn út og svo hefðu trúlega komið með forsetanum yfir 20 lífverðir til að tryggja að enginn kæmist nálægt gestinum. Myndatökur verið með öllu óheimilar og líklega fangelsisvist fyrir að reyna að taka mynd.
Þær fengu hinsvegar, eins og sjá má á meðfylgjandi myndum teknum af Hannesi Péturssyni starfsmanni Fjölsmiðjunnar, myndir af sér með forseta Íslands, Guðna Th. Jóhannessyni, og óhætt er að segja að vel fari á með þeim.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
