Nemendur í Síðuskóla í samstarfi við Dani
Sjötti bekkur í Síðuskóla á Akureyri hefur verið í heldur óvenjulegu verkefni í vetur en krakkarnir hafa unnið að samstarfi við grunnskólanemendur í Danmörku. Nemendurnir í Síðuskóla fóru í heimsókn til Danmerkur í byrjun apríl en mjög sjaldgæft er að svo ungir krakkar fara í nemendaferðir erlendis. Danirnir eru nú staddir hér á Akureyri í heimsókn og verða fram á laugardag. Jóhanna Ásmundsdóttir, kennari í Síðuskóla, hefur umsjón með verkefninu en þær Jónína Sveinbjörnsdóttir og Helga Dögg Sverrisdóttir hafa verið henni innan handar.
Nemendurnir í Síðuskóla fóru í heimsókn til Danmerkur í vikunni fyrir páskafrí ásamt þremur kennurum en Danirnir búa í Ryomgård sem er lítill bær á Jótlandi með 2500 íbúa, staðsettur u.þ.b. 30 km austan við Árósa. Í allan vetur hafa krakkarnir unnið saman og stofnuðu sameiginlega heimasíðu þar sem öll þau verk sem unnin voru á Akureyri og í Danmörku voru sýnd. Danirnir voru staddir í heimsókn á Akureyri í síðustu viku en danski hópurinn samanstóð af 57 nemendum og sex kennurum sem fylgja þeim.
Jóhanna Ásmundsdóttir kennari í Síðuskóla hefur umsjón með verkefninu og segir það hafa gengið afar vel. „Í heildina þá hefur þetta verkefni komið ótrúlega vel út. Nemendur hafa kynnst milli landanna og eru farnir að skrifast á. Danskan þjálfast og enskan líka þar sem hefur komið í ljós að íslensku börnin standa mun betur að vígi en þau dönsku,“ segir Jóhanna, en lengri umfjöllun má nálgast í nýjasta tölublaði Vikudags.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
