Margt framundan á starfsári Listasafnsins á Akureyri
Kynningarfundir var haldinn í Listasafninu á Akureyri á dögunum þar sem farið var yfir komandi starfsár, sýningaskrá ársins 2021 og hlaðvarp Listasafnsins kynnt. Einnig var farið yfir starfsemi safnsins á ársgrundvelli og hlutverk þess á tímum Covid-19 faraldursins.
Sýningaárið 2021 hófst formlega um nýliðna helgi þegar samsýningin Sköpun bernskunnar 2021 var opnuð. Sýningin er sett upp sem hluti af safnfræðslu, með það markmið að gera sýnilegt og örva skapandi starf barna á aldrinum fimm til sextán ára. Þátttakendur hverju sinni eru skólabörn og starfandi myndlistarmenn. Myndlistarmennirnir sem boðin var þátttaka í ár eru Eggert Pétursson og Guðbjörg Ringsted. Þau eru bæði landsþekkt fyrir málverk sín þar sem blóm og jurtir eru uppistaðan. Aðrir myndlistarmenn sem sýna verk sín á árinu eru Erró, Hekla Björt Helgadóttir, Ragnar Kjartansson, Ann Noël, Bryndís Snæbjörnsdóttir og Mark Wilson, Erling T.V. Klingenberg og Karl Guðmundsson. Einnig má nefna samsýningu norðlenskra myndlistarmanna, Takmarkanir, og Gjöfin til íslenzkrar alþýðu - valin verk úr Listasafni ASÍ.
Hlaðvarpi hleypt af stokkunum
Hlaðvarp Listasafnsins á Akureyri verður á næstu dögum aðgengilegt á heimasíðu þess, youtube og í gegnum hlaðvarp Akureyrarbæjar. Nú þegar er búið að taka upp tvo fyrstu þættina þar sem Hlynur Hallsson, safnstjóri Listasafnsins, ræðir annars vegar við Guðrúnu Pálínu Guðmundsdóttur, sýningarstjóra yfirlitssýningar á verkum Þorvaldar Þorsteinssonar, Lengi skal manninn reyna, og Þóru Sigurðardóttur, sýningarstjóra yfirlitssýningar á verkum Kristínar K. Þórðardóttur Thorodssen, KTh - málverk og ljósmyndir. Stefnt er að nýjum þætti í hverjum mánuði.
Smiðjur af ýmsum toga
Þriðjudagsfyrirlestrarnir verða áfram stór þáttur í fræðslustarfi Listasafnsins, en þeir eru settir upp í samvinnu við Verkmenntaskólann á Akureyri, Myndlistarfélagið og Gilfélagið. Þeir eru sem fyrr haldnir á þriðjudögum kl. 17-17.40 yfir vetrartímann. Fræðslustarfið heldur áfram að þróast og hefur aldrei verið boðið upp á jafn margar listsmiðjur og á þessu ári eða 15 talsins. Í því samhengi má nefna sérstakar danssmiðjur sem verða á barnamenningarhátíð í apríl. Leiðbeinendur verða Anna Richardsdóttir og Urður Sahr.
Listasafnið á Akureyri er í eigu Akureyrarbæjar og starfar í þágu almennings. Rekstrarkostnaður safnsins greiðist úr bæjarsjóði í samræmi við fjárhags- og starfsáætlun ár hvert. Safnið er ekki rekið í hagnaðarskyni. Stjórn Akureyrarstofu myndar stjórn Listasafnsins á Akureyri. Listasafnið á Akureyri er viðurkennt safn og fær stuðning frá Safnaráði. Aðrir bakhjarlar eru Norðurorka, Geimstofan, N4, Rub23 og Stefna, segir í fréttatilkynningu.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
